Kɛ cäŋ kɛl, tëëkɛ tut manpalɛ̈k kɛnɛ pelpɛl ti määth ti gɔw ɛlɔ̱ŋ.

Kɛ wäär kɛl, cu Pɛlpɛl Tut Manpalɛ̈k gui̱l kɛnɛ ji̱ dhɔarɛ.

Cukɛ mi̱i̱th kɛ kuän thiaŋ kɛɛl kä cu lo̱ckiɛn tɛɛth ɛlɔ̱ŋ.

Kä mëë ci gua̱a̱th tɔ̱cä cop, cu Tut Manpalɛ̈k kɛnɛ ji̱ dhɔaarɛ mal niɛn.

Duŋdɛ ɣöö /ken Pɛlpɛl wuɔ̱thkiɛn nɛn.

Tut Manpalɛ̈k kɛnɛ ji̱ dhɔaarɛ cikɛ niɛn ɛlɔ̱ŋ.

Kä ɛn pɛlpɛl /kenɛ niɛn kɛ wäär kɛ liw.

Kɛ runwaŋ, cu Pɛlpɛl ɛ görɛ ɛn ɣöö bɛ tɛ̱̈ɛ̱̈ Tut Manpalɛ̈k ŋa̱c.

"Cia wuɔthkun la̱th nikä thiaŋ?" ci Pɛlpɛl thiec.

Cu Tut Manpalɛ̈k ɛ gör ɛn ɣöö kaŋɛ Pɛlpɛl.

Cuɛ lar i̱, "Mi wä nɛy tɔ̱c, la nɛy wuɔth a woc. Mi tɔ̱c nɛy ɛ thil wuɔth, la nɛy a nin a gɔaa ɛlɔ̱ŋ."

"Kä mi ci ɣɔw baak, la nɛy wuɔthkɔ la loc gua̱a̱thnikiɛn," ci Tut Manpalɛ̈k ɛ lar.

Cu Pɛlpɛl loc dhɔrɛ kä cuɛ ji̱ dhɔaarɛ la̱a̱r tɛ̱̈ɛ̱̈ in te kɛ Tut Manpalɛ̈k.

Cu Pɛlpɛl kɛnɛ ji̱ dhɔaarɛ jɛ gör ɛn ɣöö bikɛ jɛ ɣɔ̱ɔ̱n. Ɛŋu diwi bi tuɔk kɛ kɔrɛ?