Rɛy dhɔaariɛn Bol tëkɛ thurbil kɛl kärɔa.

Ɛ mi di̱i̱t kä ɛ mi tɔ̱c. Ɛ mi wuɔ̱ɔ̱w ɛlɔ̱ŋ.

"I̱ ruun banɛ wä rɛɛk," cu man Bol jɛ lar. Ban bieyni duëëlgɔ̱rkädu wä kɔk.

Bol cuɛ ŋa̱a̱th ɛlɔ̱ŋ. Dee kɛ wä kɛ thurbil in tɔ̱c in di̱i̱t.

/Kerɛ niɛɛn ɛn wäär ëë.

Min ci man ben kɛ ɣöö ba ben ke̱r, cua Bol jek cɛ rɔ ku thuŋ ruk kɛ bi̱i̱ni ni wän.

Bol kɛnɛ man cukɛ wä gua̱a̱th cuuŋä thurbiɛɛli. Cuɔ thurbil in tɔ̱c in di̱i̱t lip.

Dundɛ ɣöö /ken thurbil ben.

Cu tha̱a̱ŋ nath ti kɔ̱ŋ cop gua̱a̱th cuuŋä thurbiɛɛli.

Cu kɛ koom kɛ ɣöö ci thurbil jääny. "Jɛnɛ winith, ɛn thurbil?" thieec kɛ.

Bol cuɛ diɛɛr. "Ci kɔn rɔ bi luäŋ kɛ wä rɛɛk," cuɛ ca̱r. "/Ci ɣän bieyni duëëlgɔ̱rkädä bi luäŋ kɛ jek."

Tha̱a̱ŋ nath cukɛ ŋɔ̱a̱a̱ŋ kä cu kɛ wä cieŋ. Bol cuɛ wiee. /Cɛ jɛ go̱r i̱ derɛ loc cieŋ.

"Ban li̱e̱p ɛ määth ɛlɔ̱ŋ," laar man ɛ.

Niɛ gua̱a̱th ɛmɔ, cuɔ wuɔ̱ɔ̱w liŋ. Cuɔ tur nɛn nhial.

Thurbil tëë benä!

Dundɛ ɣöö thurbil /ciɛ mi tɔc. Jɛn /ciɛ mi di̱i̱t. Ɛ mi lual mi tɔt.

/Ci naath ɛ go̱r ɛn ɣöö dee kɛ wä rɛy thurbiɛɛl ɛmɔ.

"Wi̱ɛ̈ɛ̈ rɛc! Wi̱ɛ̈ɛ̈ rɛc!" rɔaal geer. "Canɛ jääny ɛn wa̱lɛ," laarɛ jɛ.

Bol kɛnɛ man cukɛ wä rɛc kɛ nhiam. Kɛ pɛ̈th, cu nɛy diaal wä rɛy thurbiɛɛl in lual in tɔt.

Bol cuɛ guic kɛ wernyini thurbiɛɛl.

Cuɛ nɛy tä ŋuan nɛn cuuŋä gua̱a̱th cuuŋä thurbiɛɛli.

Nɛy ti ŋuan riŋ kɛ kɔɔr thurbiɛɛl kɛ ɣöö dëë cop.

Dundɛ ɣöö ci kɛ jääny ni ɛlɔ̱ŋ. Thurbil in lual cɛ thia̱a̱ŋ. Cuɛ wä rɛɛk.

"Thurbil in tɔ̱c in di̱i̱t ɛ ni̱kä?" thieec man Bol.

"Cɛ ri̱a̱p," cuɔ geer ɛ loc. "Te nɛy läätdädɛ. Bɛ ben i̱ ruun."

Bol /kenɛ diɛɛr kɛ biɛl thurbiɛɛl. /Kenɛ diɛɛr kɛ di̱t thurbiɛɛl.

Ɛn thurbil ɛmɛ wëë rɛɛk!