Pǝ̂rǝ ma ! Arà !
Ampǝrǝ n ce wuu naa atɩ ri ayɩwa n'asna. Ba ɖa ba ɖa ma ni, n'ʊshilé ɖǝn asna a ŋǝ asǝla gatunɔ.

N'a kulo ɩpi tǝb ɩŋunii aɖʊ 'ʊfǝlǝ nɩ.

A kpa afal ma, n'a ɖʊ ɩ gaɖubɔlɩɩŋa gɩshɛbʊ.

Ɩshilé ɩtʊrka kaŋkǝm na ayɩwa a taba asna wàà : « Ʊ ŋǝ amasǝla aa ? »

A taba asna ma, n'a taba ɩbɔrɩ baŋunii gboo gǝŋ.

Kaŋkǝlǝ́ nɖe nɩ, ɩyɩwa kabʊpi bʊɖe bʊ tɩ ɖoo asǝla ɖe nɩ boŋo gaɖǝnɖǝn.

Ama asna k'a na sǝra na ashee ayɩwa bapur baɖe ʊjɩʊ kʊyɔgʊ na.

Akɔmɔ ɩ tɩ kpa pɩ yɔgʊʊ. Ba tɩ́ sǝ ma, n'ayɩwa a kǝu gʊtɔ arǝŋǝ bapur bacǝna ɩ na kuro : "Cɔɔ ! Cɔɔ !" ma.

Ŋkǝŋ na ayɩwa a kpa asna aŋku nɩ, atɔɔ agɩshelu na kǝɖa asna.

N'asna a cu, n' ayɩwa a sǝba nɩ ʊkǝru halɩ ʊnyɩŋca laŋ.

Gaɖuɩ asna a yiɖe naa alǝ ayɩwa wàà : « Aŋgaja ga ci ma na gǝŋ. »

Ayɩwa a tǝɖǝ asna ma, n'a kulo bapur ashɛʊ na atu ba ɖa bʊto.

Ampǝrǝ kɩsǝi na kɩɩja nɩ gǝŋ.

Ce livre a été traduit et publié par l'équipe anii de SIL à Bassila. Pour plus d'informations sur le projet anii et d'autres publications en langue anii, contactez-nous :

www.revue-gugu.org

+229 66 66 11 11
Téléphone et WhatsApp

L'équipe anii salue l'équipe de AfricanStoryBook et les remercie pour leur générosité et pour la licence de CC BY.