Wan Ivo lu vea Wan Anyamazenga.

Ve zua ijende.

Ve yem ken agirigi u za numben imôngo.

Ve hidye ken ya fele ga.

Wan Ivo kaa a ngô na er, "M zua a ijende i dedoo. Saan mo iyol kpishi. Kper kpaa se mba zuan."

Ngô Ivo kaa er, "Ka shami wan wam. Doom kpishi er u hidyi gbang gbang yô. Ka ijende yase ga. De zough vea na kper ga."

Shie shon môm, Wan Anyamazenga lu kaan a ngô na er, "M zua a ijende i dedoo. Saan me iyol kpishi. Kper kpaa se mba zuan."

Ngô Anyamazenga kaa er, "Vihim kpishi er u ye Wan Ivo ga yô. Kper ne zua yô, wua un ya."

Kper nan, Wan Anyamazenga za ken gar u Wan Ivo.

Wan Ivo lu ken won ga. A yer ken iyough vea ngô na.

Wan Anyamazenga ta ikyenge yila, "Due se yem ken agirigi se za numbe."

Wan Ivo kaa er, "Se kera mba ijende ga. M ongo ngôm. Mbayev mba dedoo mba ongo ungô vev."

Vihi Wan Anyamazenga kpishi.

A yem a za kohol ngô na.