Ndenno dabbaaji fuu e njooɗodi jam, bana lenyol go'o.

Nyalaande feere sey dabbaaji kawti ngam suɓugo laamiiɗo.

Njakardi e yiɗi wonugo laamiiɗo, sey ndi fewani dabbaaji luttuɗi.

Ndi wi'i, "Geegerewol boɗeewol ngo'ol ngol dow hoore am, ɗum hiite! Taa' meemeengol."

Dabbaaji luttuɗi njaɓi ko njakardi wi'i. Ɗi cuɓi njakardi wona laamiiɗo maaji.

Dabbaaji numi, hakkilaayi, hiite njakardi wallayɗi wakkati peewol.

Sey nyalnde feere ndiyam toɓi, ɗam toɓi, ɗam toɓi.

Peewol waɗi, koo ɗume fuu e feewi.

Sey mboju ƴami dabbaaji luttuɗi, "Toye keɓeten hiite, aytinen ɓalli meeɗen?"

Dorooru jaabi, "Sey keɓen hiite daga geegerewol njakardi."

Dorooru jokki wi'ugo, "Njakardi no laamiiɗo meeɗen ngam e ndi mari hiite dow hoore maari."

Dabbaaji fuu njaɓi ko dorooru wi'i.

Sey ɗi lili dondu yaha jaɓanaɗi hiite diga laamiiɗo njakardi.

Dondu tawi njakardi nder ɗoyɗi tedduɗi.

Sey ndu numi ndu jaanya hiite, taa' ndu ƴama njakardi.

Dondu itti geene jorɗe seɗɗa. Ndu resi geene taki geegerewol njakardi.

Walaa ko waɗi, geene jaɓaayi hiite.

Dondu hooli, "Umma laamiiɗo njakardi! E min ngiɗi hiite jooni-jooni."

Ammaa njakardi waawataa hokkugo dondu hiite.

Dondu ɓerni, so''iti e dabbaaji luttuɗi. Dondu wolwaniɗi goonga haala geegerewol njakardi.

Daga nyalnde nden dabbaaji fuu ali hulugo njakardi. Nden boo dondi no nyaamay jakaraaje bee iyaaluuji maaje.