Kale-kale, kwakali musimbi wazyina lya Kalabushe. Ooyu musimbi wakali kwaambaulisya.

Banyina bakamulaya kuti atanikwaambaulisyi, pele walo tanaakaswiilila.

Bumwi buzuba, musyoonto wabanyina wakaciswa. Mukaintu ooyu, wakali kukkala kudindi lyakali kutalaa munzi.

Banyina Kalabushe bakajisi bubi buzuba oobo.

Aboobo kwakalisiide kale banyina nibakamutuma kuti atole cakulya mumusyoonto wabo wakacisidwe.

Katola cakulya, Kalabushe wakaswaanya Samusoni.

Samusoni wakali suntwe wakasanduka kuba muntu.

Suntwe wakabuzya ncaakabwezede Kalabushe. "Ndijisi nyama, mai, amukupa," Kalabushe wakavwiila.

Banyina Kalabushe bakali mucenjezyede kuti taakeelede kwaamba ncaakayumwide.

Kalabushe wakaambila Suntwe kuti musyoonto wabanyina wakalicidwe.

Abaabo, wakali kutola cakulya.

Suntwe wakalunduka cakufwambaana kuya kubasyoonto babanyina Kalabushe.

Naakasika, wakamena mulwazi akulivwumba payi lyamulwazi.

Naakasika Kalabushe, kwakaluumwine amunzi. Wakaunka mung'anda akwiita, "Baama, muli kuli?"

Taakalimvwa jwi lyabanyina basyoonto. Mpoona wakaunka kuzyuli nkobakali koona.

Wakagambwa kubona muntu wakavwumbidwe payi mpati.

"Baama, ino nkaambo nzi matwi aanu sunu mapati?" Kalabushe wakabuzya.

Suntwe wakavwiila kunsi kwapayi kati, "Kutegwa ndikumvwisisisye."

Kalabushe wakabuzya alimwi kati, "Baama, ino meso aanu akomena buti sunu?"

Suntwe wakati, "Kutegwa ndikubonesesye."

Kalabushe wakabuzya camamanino, "Ino baama, mulomo wanu wakomena buti sunu?"

Suntwe wakati, "Kutegwa ndicikonzye kukulya."

Mpoona Suntwe wakasotoka kuzwa mubulo akumena Kalabushe.

Akaambo kakuti Kalabushe wakali mukanazi, wakazumanana kwaambaula mwida lyasuntwe.

Wakabuzya mibuzyo minji.

Kumamanino aamibuzyo eeyi, Suntwe wakakatazyigwa, mpoona wakayeeya kuti amuswe.

Musimbi ooyu a mwana okwabo abanyina bakafwutulwaa basimunzi.

Kuzwa buzuba oobo Kalabushe wakaleka kwaambaula makani manji kubantu mbatazyi.