Inkoko na Ciyongoli baali ifibusa nomba baalitemenwe ukucimfyanya mufyangalo.

Batampile ukuteya umupila wakumakasa ukutila bamone uwaishibisha saana.

Baile ku cibansa ca mupila batampa nookuteeya. Inkoko yalikwete ulubilo.

Lelo Ciyongoli aalikwatishepo ulubilo. Inkoko yapantile umupila ukutali lelo Ciyongoli nga apanta umupila, aaleecilapo.

Inkoko yaalifulilwe.

Baasuminishenye ukupantila umupila mucipanda. Ciyongoli ewabalilepo ukuba uwakwikata mu cipanda. Inkoko yaliingishako akakato kamo.

Nomba yaali ninshita ya Inkoko ukuba mucipanda.

Ciyongoli aalipantile mu cipanda na ukwingisha akakato. Ciyongoli apikile umupila na ukwingisha akakato kambi. Ciyongoli alyumine umupila ku mutwe na ukwingisha kambi.

Ciyongoli aingishe utukato tusaano.

Inkoko yaalifulilwe pantu yaaliluushile. Tayalushile bwino.

Ciyongoli atampile ukuseka nookutumfya umunankwe pa mulandu aleilishanya.

Inkoko yaalifulilwe icakuti yaiswilefye akanwa na ukumina Ciyongoli.

Ilyo Inkoko yaleeya kung'anda, yakumenye nyina Ciyongoli. Nyina Ciyongoli aipwishe ati, "Taumweneko umwana wandi?" Inkoko taya aswike.

Nyina Ciyongoli aalisakamene.

Nyina Ciyongoli aumfwile akalishiwi mupeepi. "Maayo, iseeni mungafwe, efyo akalishiwi kalelila!"

Nyina Ciyongoli aaliloleshe monse monse ukumfwa ukwalefuma akalishiwi. Ishiwi lyalefumina mu mala ya Inkoko.

Nyina Ciyongoli aalipundile, "Bomfya amaka yobe mwana wandi!"

Ifiyongoli filanunka ububi saana kabili tafyumfwinka bwino mukanwa.

Ilyo linefye Inkoko yaumfwile ukulwala.

Inkoko yalibukwiile kabili yamina, elyo yafwisa. Yatesemuna nookukoola.

Iciyongoli tacumfwika bwino!

Inkoko yaalikoolele mpakafye yaluka Ciyongoli icaali mu mala ico yaminine.

Nyina Ciyongoli na umwana baninine ku cimuti bafisama.

Ukufuma ilya nshita, pankoko neefiyongoli paaliba ubulwani.