Kwalifye saaca imo mumushi mwakwa Mulenga. Yaali iikulu kabili iyabuluu.

Yaali iyacongo saana.

Bushiku bumo, baana Mulenga baatile, "Mailo tukaya ku tauni mukushita yunifomu yobe."

Mulenga alitemwene saana. Pakuya baleekabilwa ukunina saaca.

Ubo bushiku Mulenga aalifililwe ukulaala.

Ilyo banyina baishile mukumusha basangile, ukuti Mulenga alishibwike na ukufwala aalifwele.

Mulenga nabanyina baile pamakasa kucitesheni ca saaca. Baaloleelele saaca iikulu iyabuluu.

Lelo saaca tayaishile.

Abalendo bambi balishile pacitesheni ca saaca. Batample ukuilishanya ico saaca yaaliceelwa ukufika.

"Bushe saaca naitusha?" efyo baipwishe.

Mulenga aliisakamene. "Tatwaye ku tauni," efyo atontonkenye.

"Nshashite yunifomu yandi."

Abalendo bamo baalinakile ukuloolela na ukuya kumayanda. Mulenga aalilila. Aalikene ukuya ku ng'anda.

"Twalaalolelako panono," efyo banyina batile.

Bwangu - bwangu, baumfwile icongo. Baamwene lukungu mumwela.

Saaca yaisa!

Lelo iyi saaca tayaali ya buluu. Tayakulile iyoo. Saaca iyi yaali iyakashika kabili iinono.

Abalendo tabalefwaya ukunina muli iyi saaca.

"Ingileni! Ingileni!" efyapundile namutekenya ba saaca.

"Twaceelwa saana ileelo," efyo banamutekenya ba saaca baatile.

Mulenga nabanyina ebabaliilepo ukunina.

Ukwabulookupisha inshita, abantu bonse baniinine muli saaca iinono iyakashika.

Mulenga aaloleeshe panse peewindo.

Amwene abantu nabambi pacitesheni ca saaca.

Abantu abengi baaleebutukila ukuniina saaca.

Nomba baalicelelwe. Saaca yaaliswile. Saaca yakashika yaile kutauni.

"Bushe saaca iikulu iya buluu ilikwisa?" efyo baipwishe banyina - Mulenga.

"Naifwa," efyo baaswike banamutekenya. "Tuleelungisha. Ikeesa mailo, efya landile banamutekenya."

Mulenga tasakamikwe neemimonekele ya saaca.  Tasakamikwe nookuceepa nelyo ukukula kwa saaca. 

Aalitemenwe pantu iyi saaca yaleeya kutauni.