Bbaasi Lipati Lyabbuluu
Mecelin Kakoro
Mango Tree
ChiTonga

Mumunzi mwaakali kukkala Chimuka kwakali bbaasi lyomwe biyo.

Eeli bbaasi lyakali lyamubala wabbuluu. Lyakali kusabila kapati.

1

Bumwi buzuba banyina Chimuka bakati, "Cifwumo tuyakuunka kudolopo tukaakuule yunifoomu yako yakucikolo."

2

Chimuka wakakkomana kapati. Akaambo kakuti bayakubelesya bbaasi lyabbuluu.

Busiku oobu kunyina naakoona ŋonzi pe.

3

Chimuka wakasamide kale ciindi banyina nibakaboola kuti bamubusye mafwumo-fwumo.

4

Chimuka abanyina bakanyamuka akuunka kucitisyini camabbaasi. Bakalilindila bbaasi eeli lipati lyabbuluu.

Pele mukubula coolwe, bbaasi taakwe nilyakaboola.

5

Abambi bantu bakasika acitisyini camabbaasi. Bakatongooka akaambo kakuti bbaasi lyakamuka kusika.

"Sena bbaasi lyatusiya na?" bakabuzya.

6

Chimuka wakanyongana mumizeezo. "Tatutiiikonzye kuunka kudolopo. Tanditiicikonzye kuula yunifoomu yangu sunu," wakayeeya.

7

Bamwi bantu nibakakatala kulindila, bakajokela mwabo-mwabo. Pele Chimuka wakalila akukaka kuunka kuŋanda.

Banyina bakamuyumya-yumya kabati, "Tulalindila kwaciindi cisyoonto biyo."

8

Mpobatayeeyeli, bakamvwa coongo. Bakakabona kasuko mujulu.

Bbaasi lyaboola!

9

Bbaasi lyakaboola tiilyakali lyabbuluu pe. Lyakalikusubila alimwi lyakali lisyoonto.

Bantu bakali kulindilila bakalilanga biyo bbaasi. Kwiina nibakatanta mubbaasi.

10

"Amunjile! Amunjile! Amunjile! Amunjile!" Wakaponzomoka kwiita bantu dulaiva.

"Twamuka kapati sunu," wakaamba dulaiva.

11

Chimuka abanyina mbubakasaanguna kunjila.

Kufwambaana bantu boonse bakanjila mubbaasi eeli lisyoonto lisubila.

12

Chimuka naakasondela awindo, wakabona bantu banji kapati acitisyini.

13

Alimwi bantu banji bakali kulunduka kuti abalo bakkwele bbaasi pesi bakajanika bamuka.

Bbaasi lyakazwide kale. Eelyo aboobo bbaasi eeli lyakanyamuka kutalika kuunka kudolopo.

14

"Ino bbaasi lipati lyabbuluu lilikuli?" bakabuzya banyina Chimuka.

"Lilifwide," wakamvwiila dulaiva. "Tujisi bubi kulibamba. Cifwumo liyakuboola," wakayungizya dulaiva.

15

Chimuka wakanyina andaba kumusyobo wabbaasi. Wakanyina abubi kubupati bwandilyo.

Wakalikkomene nkaambo bbaasi eeli lyakalikuya kudolopo.

16
You are free to download, copy, translate or adapt this story and use the illustrations as long as you attribute in the following way:
Bbaasi Lipati Lyabbuluu
Author - Mecelin Kakoro
Adaptation - Vision Milimo
Illustration - Mango Tree
Language - ChiTonga
Level - Longer paragraphs
© African Storybook Initiative 2015
Creative Commons: Attribution 4.0
Source www.africanstorybook.org
Original source