Owon nyia ôbô ôtôrôgôl ônnô ôrrôhô bêbê îfaû ꞌdaŋ. Ayohoji nyia agûrûmarî ꞌdaŋ agarrum iko ayyani. Ajûranî nyia buo fê ôwôrîô.

Abeŋ nyia aarî iko aŋiria. Ihanyî nyia aatî, eesuŋ, iko aciaŋi.

Ayêî nyia arria ŋidonyo hunyia amanyaî ꞌtô îhîdê doŋiok ika ahûrê.

Tô ôbô nôlôŋ, îfûr nyia ôbô abôtôr ŋidony jio hottina alô inyi ittifia ôbô amaji ônnô obeŋ ꞌtô owon iko ôtôrôgôl.

Atuk nyia aŋidony anîa oŋitek arriaî îhîkôî.

Oŋut nyia inyi ta atua muri, ôdôk adoŋiok, buo fê allaŋ adiali.

Teyya, êttê aŋidony anîa îfanyan jio ôbô namaji anna anya Hawaî.

Tô Hawaî teyya, arûmak nyia aŋidony anîa afacan ŋahî iko ôlôwôrê ônnô oŋettio ꞌtô.

Omuno nyia inyi bêbê.

Arasahino aŋidony anîa diyya. Ihûm nyia inyi înya aŋahî hûa. Ettê ifiron buo fê ahûan tênê êttê îwônyô.

Irrîŋîtatio nyia buo fê inyi ituo ôwôrê diyya oŋitek ꞌdaŋ.

Ihalû oŋitek araki, îfûr fê aŋidony anîa jio hottina fê enyiak inyi îcaharû idoŋiok. Awak nyia inyi îmîjana ŋaî ômîr ôtôrôgôl nyia.

Iyarû iko ôbô aŋak, êttê ittiforo nêkôî ninyia ottuniere inyi.

Hinyia afany inyi idoŋiok diyya, êttê aŋidonyo hunyia isui ꞌtô ifuanna îrraŋûna inyi ta amuno.

Awahî nyia buo fê isi aŋak ninyia îyaŋuno aŋidony anîa.

Ifiyei inyi, "Owon namaji lobie anîa ajia? Ewak buo fê hôhôî ifuatan diyya."

Iramak aŋidony anîa jihosi neyijiti Hawaî, êttê buo fê iruk êyarû isi diyya.

Iwwoti nyia aŋidonyo hûnia ꞌdaŋ Hawaî. Anyaî nyia isi aŋahî hûa, amatî îka aarî, îballôî, êttê buo fê ahûattêk hosi ꞌdaŋ îwônyô.

Kûak teyya, afuonni nyia aŋidonyo Hawaî hûnîa îbûrûna jio iwwotuni aŋidonyo tô tua doŋiok ꞌdaŋ jihosi diyya.

Ihawwaî nyia aŋidonyo Hawaî jio afuoi aŋahî hosi ituho.

Anîa, iwwahuni îsî ꞌdaŋ jio efuo îfûhara addi aŋidonyo hunno ofuonni ꞌtô hûnîa tô doŋiok.

Tô ôbô nôlôŋ, afuonni aŋidonyo doŋiok hûa îmata harî.

Ettê aŋidonyo Hawaî îbûranio isi kê êyêk erribita îhas. Awahî nyia isi îfûhara isi addi.

Hofuoi isi ihuania irribonio, êttê ôbô ahouti ŋidonyo Hawaî îllacauno tô tanaî.

Ettê îfî isi ꞌdaŋ jio jio, "Nyio îwahata îtaî irribo? Oremehini aŋahî hûnîa jihôhôî ꞌdaŋ."

Agiluni nyia isi ꞌdaŋ jio ôbîs êram ahoutî alîa.

Tanîa, many jio ôlôŋ lîa, amanyaî nyia aŋidonyo Hawaî iko aŋidonyo doŋiok ara abotie obeŋ aŋalafa.