Efiku limwe, Meme Okwa li tateleke. Okwa ifana, "Abena, Ajua, Akwasi, Aku, oikulya oyapya! Eteni ouyaxa veni!"

Meme okwe tu pa keshe umwe fufu. Okwe tu pa omuhoka. Okwe tu pa ombelela. Okwa tya kufye, "Indeni mukakale omutumba mukalye."

Aku okwa tala ko fufu yaye. Okwa tala komuhoka waye. No kwa tala kombelela yaye. Okwa tula okayaxa kaye pendu nenyeme ndee ta kwena. Meme okwa pula, "Aku, oshikwashike shapuka mwoove?"

"Ombelela yange oyo ishona lelalela," Aku ta kwena.

"Ashike oove umushona," meme waye osho a tya.

Aku okwa kwena neenghono. Okwe li umbila pedu. Molwaashi Meme waye ka kwa li nande ahala Aku akwene. Okwa ifana mokule, "Abena, Ajua, Akwasi, endeleleni mweete oikulya yeni!"

Ounona ova eta oikulya yavo. "Paife Aku, kuffamo ombelela oiwahala," meme waye osho ati.

Aku okwe liyolifa ahafa. Okwa tala neenghono kombelela ya Akwasi ndee tandiladila, "Ombelela ya Akwasi oyakula."

Okwa tala neenghono kombelela ya Ajua. Okwa ndiladila, "Ombelela ya Ajua oyakula unene."

Okwa tala neenghono kombelela ya Abena. Ombelela ya Abena oya kula. Okwa ti ku meme waye, "Ondahala ombelela ya Abena."

"Abena, yandja ombelela yoye ku Aku ove to kufamo yaye," meme osho ati. Abena ka kwa li eudite nawa. Ashike ka kwa li ahala oku anya elombwelo la meme waye. Okwa yandja ombelela yaye ku Aku.

"Mmmm, ombelela ei ota ikala inyenye," Aku osho atya. Okwa kala omutumba kokapundi ndee tali ombelela yaye eudite nawa.

Pii! Pii! Omushingifi wo ice-creama eli pondje. Ohashingi ombashikela yakula yina eembinga ndishona.

Aku okuhole o ice creama. "Abena, eta ondjato yange," meme osho ati. "Ondahala okumu landela o ice creama amushe." Abena okwa eta okandjato ka meme.

"Ondahala ee ice creama ndili nhee, alikana," meme osho ati komushingifi wee ice creama. Okwa futa ndele ta tukulile ounona aveshe ee ice creama.

"Imwe, mbali, nhatu, nhee," Aku osho avalula. Okwa tala ko ice creama yaye. Okwali ishona. Okwa tala neenghono ko ice creama ya Akwasi. Okwa li ishona kuyaye.

Okwa tala neenghono ko ice creama ya Ajua. Okwa li ishona idulife ee ice creama adishe. Okwa li ahafa. "O ice creama yange oyo yakula," osho adiladila.

"Teelela," osho adiladila. "Ondahala yoo oku tala ko ice creama ya Abena." Okwa enghena popepi na Abena. Ndele ta ekama mokule ndele ta kwena.

"Oshikwashike, Aku?" Meme ta pula.

"O ice creama ya Abena oya kula idule yange," ta kwena. Meme tati, "Aku ove okakandona kalunduka!"

Aku okwa kwena neenghono. Okwe li umbila pedu. Meme waye ka kwa li eshi udile nawa. Ka kwa li ahala Aku akwene.

Meme okwa ti ku Abena, "Kwa felenge uyandje o ice creama yoye ku Aku ove to ku fako yaye."

Abena ka kwali eshi udila nawa, ka kwa li ahala oku anya elombwelo la Meme waye. Okwa yandja o ice creama yaye ku Aku. Omesho a Aku okwa li taa ulike ehafo linene. Okwa tala ko ice creama yaye yakula ndele teliyolifa.

"Mmm, o ice creama ei ota imonika iwa," Aku osho ati. Okwa ekama ndee ta lumatako kashona.

"Ajiish!" Okwa inginda ndee ta fudile o ice creama.

"Oshikwashike paife?" meme ta pula. "O ice creama ei oilula," Aku ta fuda mokule.

Meme ta kufako o ice creama ya Aku nde ta lumatako. Okwa handuka. "Opena oshinima shapuka mbela. Oya nyonauka," osho ati.

Meme ta wedako, "Ombili Aku, ito pewa vali imwe. Paife ou shi wete nee oku kala walunduka nai?"