A vwondyə no təloʼ tə tsèm a tyi təloʼtə viʼ və fenə və.

Zhiʼi ə ghomə diʼ Duma, ma diʼ ə ngʉ̀ʼsə ə wum.

Ma tsi yo lemə ghom Zinhle ə wàyn ə wuwì a ghə diʼ ngʉ̀ʼsə jʉ̀sə̀ taʼ a wum.

Yes ə tsi yo və Mama nə Baba nə Wandile ə lemə ə yes ə tyetə nə bʉ ə yes a zhiʼi wen ə dì̀ʼ Bhubesi.

No fa kətsi a kwaʼa korona ghənə ə nvì, jì a yes ə ntsi fatsu ə kwitəli.

Mbùm a ghə ku ə kwaʼa na ghenə ə kwenə a wìʼ a wen to fəndeʼ a li diʼ ə nè wìʼ mu nkwaʼa no nanto. Korona na ghèn zì ghə ghaʼ no ndo na yì.

Ma ko saŋlə byiʼi ando ma ko zì ma be dem yo ndòŋ ə shomsə.

Wandile ko saŋlə byiʼi àndo ghə zì ko ghə bè a bwàmtə ndoŋsə wen.

Zinhle ko saŋlə byiʼi àndo ghə zì ko ghə be a ku ə ndyə ə zuʼu əchʉ ə wen a viʼi ə ndoŋsə wen.

Mama diʼ wù shʉ̀ ə shi a ngə̀ŋ kəfʉ a mbʉʼʉ ghoʼo. Bàba baʼlə ashɨ nkoʼ bè nə̀ tə kyi tə mbasə a mbʉ ghoʼo.

No məntsi əntsem vəwenə ə lu ghʉsə yes a Zinhle vəwenə ə mu dyʉ̀ a shweʼ.

Wù ntəʼə yə̀s ə Gogo shi no kədwin kə wiʼ alì kiʼi əkwaʼ a wenə a tyɨm.

Və ko bè byɨmə la wiʼ bè ndʉ̀ boʼsə wen, byiʼi Kolona zaŋsə ghaʼa viʼi vəto kəvə.

Yes ə ko kòŋ ə nè la əkwaʼa na ghenə ghaʼa ə wen bwen.

A zhʉ a Mama bwenə li mpfwo fa shwèʼ, ghə mu dʉ lye wen, ghə ku ashɨ nkòʼ a wen a və bò kwoŋ tò kwoŋə.

Ghə nghʉsə ashɨ nkòʼo a yì tò a chʉ ngə̀ŋ biʼi ando ghə zi ko lu kwen a ngə̀ŋ.

No boʼngə̀ŋ ko Zinhle ə dyʉ̀ chʉ mu fa pom a ghə boʼsə vəwenə.

Viʼ vətsenə ndìʼ mu və nwye li ə ndyə chiʼtə tə chʉ̀ tə vəwenə tsu ko ndiʼ la vətsenə və nwye bwèn. Zinhle nshɨ̀tə ndyə̀ ə chʉ̀ wen fa kəbas kə ndyisə.

Ghə shʉ àvu ə wen a chʉ ngə̀ŋ. Mama ə mu ku ndyə shʉ avu a və dzàŋ nə̀ sanitaiza ghə zuʼ a vu ə wen tsu.

No nənchʉʼ ko Mama ə mu dzɨŋtə yes la:

"No ndo ə nwye ə to ndyə chiʼtə chʉ̀ əfi no mə tsi ntsèm. Shʉ a vu nə kəki kə no nkàyn a zhʉ a wù dyʉ̀ a kəshi. Chiʼtə əchʉ ə wù nə alwi a wu no zhʉ ko a wu kəŋ ə chom ko azhʉ a wù ə kəŋ ə kesə."

Yes ə mu bwesə la, "Mama yes ə zhʉ li."

1. Shʉ avu a wu nə mu.
2. Shʉ avu a wu nə kəki kə.
3. Shʉ avu a wu no nkàyn wu taŋtə ə zìtə̀ fa muʼ ə kuʼ
əzaʼa a məwum ə mbò.
4. Chʉʼtə avu a wu nə mu.
5. Tsəʼ avu a wu nə tawolə ə baynə.
6. Avu a wu ə bayn li lu wen!