Umndeni wezinzawu bekumndeni ohlala uthabile.

Abentazana ababili bafunda ukupheka nokwenza itoni nonina. Abesana bebaphuma noyise bayokuzuma.

Ngawo woke amalanga ngesikhathi sedina, bebakhuluma ngokuthi benze ini mhlokho.

Esikhathini esinengi ubaba bekayelelisa abentwana bona bangangeni phakathi ehlathini.

Wacocela umndeni ngesilwana esirarako ebesihlala ehlathini. "Isilwana lesi silingana nathi sobabili nasihlangeneko!"

Ngelinye ilanga abentazana bebadlalela emlanjeni. Msinya nje, ngemva komuthi, babona kujame isilwana esirarako!

Isilwana lesi sinamehlo amabili, iindlebe ezimbili, imikhono emibili, nemilenze emibili.

Bebathuthumela bathukile, bagijima msinya bayokutjela abafowabo ngalokho abakubonileko.

Kodwana abafowabo akhange babakholwe, bamane bathi, "Nizindlhadlha nina!"

Kwamuva, abesana nabo bafuna ukuyozibonela.

Balandela abentazana nabaya ngemlanjeni ukuyozibonela ngokwabo isilwana esirarako.

Bafuna bafuna kodwana bazibonela utjani obude kanye nemithi.

Msinyazana nje, bezwa itjhada, baqala phezulu.

Lapha emthini bekujinka isilwana esirarako ebangakhange basibone nakanye.

Sinemikhono emibili, izandla ezimbili, imilenze emibili neenyawo ezimbili. Kunokobana sibe nalokho okukhamba ngakunye, njengabo.

Abentwana bathukwa bagijimela ekhaya ukuyokubiza ababelethi babo. Msinyazana nje umndeni woke besele usemlanjeni uzokubona isilwana lesi esirarako.

"Ningangilimazi!" kutjho isilwana esirarako, lokha nasibhaqa ngemuva komuthi.

Njenganje umndeni sewukghona ukubona inyawo elilodwa, umlenze owodwa, isandla esisodwa nelihlo elilodwa lesilwana esirarako.

"Ngifana nani," kuraga isilwana esirarako. "Umehluko okhona kukobana ngenziwa ngezinto ezikhamba ngazimbili kikho koke."

Yeke, le yindlela umndeni wezinzawu owathola ngayo bona bekungasiso isilwana esirarako abangasisaba.

Bekungomunye nje umhlobo waso.