Khallekhalle vari namwali moddane mddina naye Kalabushe.

Kalabushe ari namwali ari oddivelliwa ollokollolla. Nave amenya yanamullella wi ahiddiveliweke ollokollolla winchichi olliye khawiwellella.

Amunna a Kalabushe yakhalla embali emoddene ya ntapo.

Nllapo nimottha yavoriwa. Kharive nari nimodda owasamallella.

Amenya Kalabushe yari otanganihiwa.

Wari musikuwa mvo amenya yamwinya yocha wi awinye amunnaye.

Muttillani aphwanyani ni Sinson.

Sinson ari khuddupa oyo atthattuwe muthu.

Sinson amukoha Kalabushe, "Okusale ttini?" Kalabushe ahakhulla, "Kikusale enama, mooche ni mukaka."

Amenya a Kalabushe yamullella wi ahillotteke nddoo attukhullallenddo.

Kalabushe amullellattho wi, "Kikusalle yocha kawiriye amunna ayo tthovoriwa."

Sinson amirella mare voganizera enama eyo Kalabushe atukhullalleyo.

Sinson athimakella mowakuva onyumbani ya amunna a Kalabushe.

Ahamira amunna a Kalabushe nuvollowa mu nigombesani niwa.

Nave Kalabushe aphiyallaye vanyumbani vari zii.

Avollowa muwari nawambella withana, "Amunnani, muri wuwi?'

Kalabushe khiwalle mawu a amunnaye. Avollowa osubini yamuwari mmo yakonille amunnaye.

Arurumuwa mvo amonilleye mmoddene ikhunenlle na gombeza nullupalli.

Kalabushe akoha, "Munnani yereye tti ttini wi marunyu yiniwe ddidda?"

Munigombezani Sinson aheera, "Wi kiwiweke phaama ddene."

Kalabushe akohattho, "Amunnani, echifukwene ttini mitthoyinu eri owunuwa ddidda?"

Sinson allotta, "Wi kiwoneke phaama."

Vomallihella Kalabushe akoha, "Munnani, echifukwene ttini eyano yinu eri yowunuwa ddidda?"

Sinson allotta, "Wi kuuche!" Sinson allupha ovenya mu nigombezani nuumira Kalabushe.

Kalabushe avirerella ollota nari ari mu mirimani mwa Sinson. Akoha makoho anchichi.

Vomalliha Sinson atopa na makoho anchichi wa Kalabushe nave aganiza ddomuttapha.

Kalabushe na amunnaye yavullumusiwa na athu ammuzini.

Ovenyera vavo, Kalabushe ahiya ollokollollesha ni athu ahadduwella.