Liyolo, kwali mulindwana yumo ngamu yake ali Kalabushe.

Kalabushe ali muyobi fiyo, mama wake amusoka loli atakapilikaga.

Kalabushe ali nunasenge wake yuyo ikala pisilya lwa cisoko, mu kaya kopalamana naka Kalabushe.

Siku limo nasenge wake abinile loli atali numundu uwakumutula.

Mama wa Kalabushe atangwanike fiyo, gali namayolo papo amupile Kalabushe cakulya ukuti akamupe nasenge wake.

Munjila, Kalabushe alinkwagana nu Sinisoni.

Sinisoni lyali libole lilyo lyasinthile ukuba munthu.

Sinisoni amulalusishe Kalabushe, "Upimbileci?" Kalabushe amwamwile atile, "Mphimbile nyama, mafumbi nulupyu."

Loli mama wa Kalabushe amukanisishe kuyoba kubandu fifyo apimbile.

Kalabushe akindilile kumubula Sinisoni ukuti, "Fyakulya ifi ngubuka nafyo kwanasenge wangu."

Sinisoni amyangulile ululimi popilika fyakulya fila.

Sinisoni abopile kunkyeni nubuka kwanasenge wa Kalabushe.

Amumilile nasenge wa Kalabushe nukwikinkha ibulangeti.

Bo Kalabushe afikile, alyagile panyumba pali myee.

Alingile munyumba nukwanda kukolela, "Nasenge, ulikoci?"

Kalabushe atapilike masho ganasenge wake. Alingile kukati kwanasenge wake.

Aswigile poketa mundu ikinkhile nibulangeti.

Kalabushe alalwishe atile, "Nasenge fiki mbulukutu shako sikulile?"

Sinisoni alyamwile ukufuma mwi bulangeti ilinywamu, "Ngulonda ngupilikishe kanunu."

Kalabushe alalusishe kangi, "Nasenge bulebule maso gako gakulile mushugu?"

Sinisoni alyamwile, "Ngulonda ngukete kanunu."

Kalabushe alalusishe sona ukuti, "Nasenge, nongwa cici mulomo wako gusololwike umwishugu?"

Sinisoni alyamwile atile, "Ukuti ngulye kanunu." Anyelile ukufuma pibedi numuzwita Kalabushe.

Kalabushe akindilile ukuyoba na papo ali mu lwanda lwa Sinisoni.

Alalwishe amalalusho mingi fiyo mulwanda lwa Sinisoni.

Pa bumalilo, Sinisoni akatele namalalusho ya Kalabushe mulwanda mula mphaka amufunyile.

Kalabushe nunasenge wake batuliwe nabandu bamukaya.

Ukufuma isiku lila, Kalabushe alekile fyoyobayoba na wahesha.