Khale khale, Letsatsi, Khoeli, Pula le Moea li ne li loantšana.

Khang ea bona e ne e le hore Letsatsi le ne le batla ho chaba letšeare lohle. Khoeli e ne e batla ho khanya letsatsi kaofela.

Pula e ne e batla ho na tsatsi le leng le le leng, le Moea o no batla ho foka nako eohle. Li ne li sa batle ho fana ka sebaka.

Ba rera ho lula fatše, ba bue taba ena. Eaba kopanong ea bona, Letsatsi le botsa Khoeli, "Ke eng eo u e etsang ho thusa lefatše?"

Khoeli ea araba ea re, "Ke ea khantša bosiu hore liphoofolo li tsome."

Khoeli ea botsa Pula, "Ke eng eo u e etsang ho thusa lefatše?"

Pula ea araba, "Ke fa lefatše metsi hore lifate le limela li hole hantle. Hape ke fa liphoofolo metsi hore li noe."

Pula ea botsa Moea, "Ke'ng eo u e etsang ho thusa lefatše?"

Moea oa araba oa re, "Ke fiela lefatše hore le hloeke. Ke hasa pula lefatše ka bophara ba lona."

Moea le ona oa botsa Letsatsi, "Ke'ng eo u e etsang ho thusa lefatše?"

Letsatsi la araba la re, "Ke fa lefatše khanya le mofuthu, hore liphoofo le lihloliloeng li phele ha monate."

Letsatsi, Khoeli, Pula le Moea tsa mamelana ka hloko.

Eaba Letsatsi lere, "'Nete ke hore e mong le e mong o thusa lefatše ka mokhoa o ikhethileng. 'Ee", hoa bua Khoeli, "Ha ho na ea molemo ho feta e mong hara rona."

"Re ka sebetsa 'moho." Hoa hlahisa Pula. Eaba Moea o re, "Ha re arolelaneng matsatsi." Ba lumellana kaofela."

Ke ka hona ka nako e 'ngoeu ka bonang Khoeli Letsatsi le ntse le chabile. U utloang Moea o foka Pula ha e ena.

Letsatsi, Khoeli, Pula le Moea, li sebetsa hantle ha holo 'moho. Li na le kutloisisano.

U rata letsatsi, khoeli, pula kapa moea? Taka eo u e ratang haholo.