Ekyaro kya Sinyaire kikaba kyetoreirwe emishozi. Enjoka nyingi zikaba ziratura omuri egyo mishozi. Enjoka empango ekaba ereetwa Unyalego abahakyaro. Unyalego ekaba eratinisa abantu baingi. Ekaba eramira embuzi nentama yoona.

Eizooba rimwe, enyinemwe ishatu, Apiyo, Ajoh hamwe na Atieno bakaza omwihamba kushenya enku. Nyinenkuru wabaishiki akabehanangiraza, "Mumanye kuhariyo Unyalego enjoka mpango. Mutagira ekimwayiha omwihamba kyona okwihaho enku." Ajoh we taratire mutiima ahabi Nyinenkuru yabagambire.

Abaishiki bakehemba amaate, emineekye, ebitakuri hamwe namaizi. Bakatwara emigoye yokukomesa enku hamwe nomuhoro gukazire kwokutematemesa enku. Reero bagyenda omwihamba.

Omumuhanda, enyinaemwe zikaba ziraganiira kandi zirasheeka. Ahonaho, Apiyo, mukuru wabo yagira ati, "Muhuname. Turihaihi kuhika ahu Unyalego enjoka erikutuura."

Atieno akeeta abandi, "Reeba, aha hariho amaino ga Unyalego agefeeza. Reeka tugatware." Apiyo akabeijusya, "Muteebwa okwehangiriza kwa mukaaka. Tutagira ekitwatwara kuruga omwihamba oyihireho enku."

Ajoh akagira, "Tindesiga Mukaaka. Yatugambiire asyo kuturemesa kutunga ebi turenda. Ndenda amaino ge feeza." Barumunabe bakerarikirira, kwonka Ajoh tiyafayo.

Mukaire ako Unyalego akaija araronda amaino ge gefeeza. Akakwatwa ekiniga kirengire kuyaremirwe kuboona amaino ge. Reero Unyalego akahurira abaishiki baraganiira kandi barasheka. Akeshereka umunda yeibare haihi nomuhanda ogu abaishiki babire baraza kurabamu barataha.

Enyinemwe zikaba zirataha omuka zekoreire enku. Ahonaho, bahurira, enjoka yagamba "Hsssss!" Aho hakaba hariho Unyalego nakanwa kashamukire, ayetekatekire kuruma. Abaishiki bakagira obwooba.

Unyalego akabuuza abaishiki, "Noha owatwara amaino gangye gefeeza?" Tihaine owagarukiremu. Unyalego yasharamu kugyeza abaishiki. "Orabe ataine rubanja, araza kweshongora kurungi. Araza kutaha nenku zeye. Kwonka oine orubanja araza kweshongora kubi. Kandi ndaza kumurya!"

Apiyo akatandika kweshongora neiraka rirungi," tinye, tinye owatwire amaino. Owagatwire akyari enyima."Reero Atieno yayeshongora ekyeshongoro. Nawe akeshongora kurungi.

Hamuheru, gukaba guri omwanya gwa Ajoh. Akatiina. Akatandiika kweshongora. Akeshongora kubi munonga nebigambo bikaba birwire. Unyalego akamuuza, "torabasa kweshongoragye nkabandi?" Unyalego akamanya ku Ajoh niwe yatwire amaino ge ga feeza.

Unyalego akashamura emishaya yeye yamira Ajoh. Barumuma be bakairuka baza omukyaro. Bakagambira buri omwe ekyabaho. "Nkamwehangiriza, kuri oragira ngu akahurikiza," Nyinenkuru wabaishiki akagamba nobusaasi.