Leli likati.

Lena yinja.

Likati nenja bayahamba.

Bahamba endzaweni yangakubo.

Ngemuva kwaloko babona licandza.

Licandza belisetjanini.

Licandza belilodvwa etjanini.

Licandza belilodvwa nje kuphela.

Likati nenja baya enyonini.

Babuta inyoni, "Akusilo yini licandza lakho leli?"

Kepha inyoni yatsi, "Cha, lelo akusilo licandza lami.

Butani sikhova. Mhlawumbe lelicandza laso."

Likati nenja baya esikhoveni.

Babuta sikhova, "Akusilo yini licandza lakho leli?"

Kepha sikhova satsi, "Cha, lelo akusilo licandza lami.

Butani lihansi. Mhlawumbe lelicandza lalo."

Likati nenja bahamba baya ehansini.

Babuta lihansi, "Akusilo yini licandza lakho leli?"

Kepha lihansi latsi, "Cha, lelo akusilo licandza lami.

Butani emadada lamabili. Mhlawumbe lelicandza lawo."

Likati nenja bahamba baya emadadeni lamabili.

Babuta emadada lamabili, "Akusilo yini licandza lenu leli?"

Kepha emadada lamabili atsi, "Cha, lelo akusilo licandza letfu."

Ngemuva kwaloko licandza laphihlika.

Bekunemgololo ecandzeni.

Umgololo lomncane.

Umgololo lomncane watsi, "Ukuphi make wami? Ukuphi babe wami? Bakuphi bomake nababe wami?"

Likati nenja batsatsa umntfwana wemgololo bawuyisa kumake nababe wawo.

Usale kahle kati.

Usale kahle yinja.

Usale kahle mntfwana wemgololo.