Muḓi wa ha Magoḓa wo vha u muḓi wa dakalo. Vhasidzanyana vhavhili vho guda u bika na u lima ngade kha mme avho.

Vhatukana vhavhili vha tshi zwima na khotsi avho.

Nga tshilalelo ḓuvha ḽiṅwe na ḽiṅwe, vho vha tshi anetshelana zwe vha ita iḽo ḓuvha.

Khotsi avho vha tshi dzulela u kaidza vhana uri vha songo sunguvhela vhukatikati ha ḓaka. Vha vhudza muṱa wavho nga ha tshipuka tshiṅwe-vho tshi no dzula ḓakani.

"Hetshi tshipuka tshi fana na riṋe vhavhili ro mamekana!"

Ḽiṅwe ḓuvha avha vhananyana vho vha vha tshi khou tamba mulamboni. Khathihi fhedzi, murahu ha miri, ha dzumbuluwa tshipuka tshiṅwe-vho!

Tshi na maṱo mavhili, nḓevhe mbili, zwanḓa zwivhili na milenzhe mivhili.

Vha mbo shavhela hayani, vho tshuwa, uri vha vhudze khaladzi dzavho zwe vha vhona.

Fhedzi avha vhatukana vha si zwi tende, "Havha vhasidzana vha khou vhalavhala!" vha mbo ralo.

Nga murahu, vhatukana vha tama u vhona-vho.

Vha tevhela avha vhasidzana mulamboni uri vha vhone itshi tshipuka nga maṱo avho.

Vha sedza hoṱhehoṱhe fhedzi zwe vha vhona ho vha hatsi vhulapfulapfu na miri.

Khathihi fhedzi, vha mbo pfa phosho, vha ṱingaṱinga.

Vha vhona nṱha ha miri hu tshi khou dembetita tshipuka tshiṅwe-vho tshine a vha athu tshi vhona.

Tsho vha tshi na zwanḓa zwivhili, milenzhe mivhili na khando mbili. Vhudzuloni ha tshithihitshithihi sa vhone.

Avha vhana vha shavhela ha vhabebi hayani vha songo tshuwa zwone.

Hu si kale muṱa woṱhe wa swika mulamboni uri vha vhone tshipuka itshi.

"Ni songo nthwa wee!" hu amba tshipuka, musi tsho dzumbama nga muri.

Zwa zwino avha vha khou kona u vhona mulenzhe muthihi fhedzi, tshanḓa tshithihi na ḽiṱo ḽithihi.

"Ndi a fana na vhoiwe," ndi itshi tshipuka tshi tshi isa phanḓa.

"Phambano nthihi i re hone ndi uri ndo sikiwa ndi na miraḓo mivhilimivhili."

Ndi yone nḓila ye vha ha Magoḓa vha wana ngayo uri a vho ngo tea u ofha tshipuka itshi.

Ndi muthu, a re na tshivhumbeo tsho fhambanaho na tshavho.