Ndyangu wa ka Baloyi i ndyangu wa ntsako swinene. Tintombhi timbirhi ta ka Baloyi ti dyondzile ku sweka no cheleta eka mana wa tona.

Majaha mambirhi ma famba na tata wa vona ekuhloteni.

Hi nkarhi wa maxuxu va byelana leswi va nga swi endla siku rero.

Tata wa vona u tala ku byela majaha leswaku ma nga ngheni ngopfu enhoveni loko ma karhi ma hlota.

U byela ndyangu wa yena hi xinghunghumana lexi tshamaka enhoveni. "Xinghunghumana lexi xi ringana na hina hi hlanganile hi ku kula!"

Siku rin'wana tintombhi ti tlanga enkoveni. Swo na swi pfuketana to vona xinghunghumana endzhaku ka nsinya wa murhi.

Xinghunghumana lexi a xi ri na matihlo mambirhi, tindleve timbirhi, mavoko mambirhi na milenge mimbirhi.

Ti karhi ti rhurhumela hi ku chava, tintombhi ti tsutsumile ku ya byela vabuti wa tona leswi ti swi voneke.

Kambe majaha a ma tshembhangi leswi ma byeriweke swona, "Tintombhi leti ta hi hembela!" ku vula majaha.

Majaha ma hetelele ma tsakela ku ya leswaku ma ya tikhorwisa. Ma landzelele tintombhi ku ya enkoveni laha ti voneke kona xinghunghumana.

Va sungula ku lava hinkwakonkwako kambe vo vona ntsena mirhi na byanyi byo leha.

Va te va ha lavisa sweswo, vo twa mpfumawulo wo bonga.

Loko va languta ehenhla ka murhi, va vona xinghunghumana xo chavisa kwale henhla.

Xi na mavoko mambirhi, swandla swimbirhi, milenge mimbirhi na mikondzo mimbirhi.

Hi ku chava lokukulu va tsutsumele ekaya ku ya byela vatswari va vona. Hi xinkadyana ndyangu hinkwawo a wu ri kwale nkoveni ku vona xinghunghumana.

"Mi nga ndzi vavisi!" ku vula xunghunghumana xi karhi xi ringeta ku tumbela.

Ndyangu se a wo vona ntsena nenge wun'we, nkondzo wun'we, voko rin'we, xandla xin'we na tihlo rin'we.

"Mina na n'wina ha fana," ku ya emahlweni xinghunghumana.

"Ku hambana ka kona hileswaku mina ndzi hikambirhi eka swilo hinkwaswo hi ku kula."

Laha hi kona ndyangu wa ka Baloyi wu nga tiva leswaku xinghunghumana lexi a xi fanelangi ku chaviwa. Kambe i munhu ku fana na vona.