Tsatsi le leng Mme Letsatsi o ile a ya etela kgaitsedi ya hae Kgwedi. Kgwedi o ne a dula ka nqane ho lehodimo. "Ke tla kgutla kapelenyana," ho rialo Letsatsi ho maru.
Ha Letsatsi a qeta ho tsamaya, dithaba tsa apara kobo tsa tsona tse tshweu.
Moya wa qwaketsana le difate, difate tsa halefa, tsa lahlela makala a tsona hohle.
Lehodimo la duma, la putswafala.
Maru a ne a saretswe ho bona tsena tsohle, a qala ho lla. Dikeledi tsa ona tsa rotha hohle.
Lefatshe lohle la qwela hara metsi.
Ka yona nako eo Letsatsi o ne a itokisetsa ho kgaohana le Kgwedi kgaitsediae. A mo suna mme a mo sadisa hantle.
Lehodimo le ne le thabile haholo ho bona letsatsi, mme la fetoha la e ba bolou. Dithaba tsa apara botala.
Moya wa kgutsa wa robala. Difate tsa ikotlolla makala a tsona tsa bososela.
Maru a ne a thabile ho bona mme wa ona Letsatsi hape. A tsamaya ho ilo bapala.
Dimelanyana tse nyenyane tsa thunya mobung yaka di re, "Dumelang." Lefatshe lohle la phatsima.
Mme Letsatsi a kgantsha hohle. "Ke le boleletse hore ke tla kgutla." A bososela.