Mukaninga, kwakali muntu utegwa Byantaka wakajisi ng'ombe yomwe. Abuzuba Byantaka wakeembela ngombe yakwe. Wakali kuipa meenda akunywa, pesi Byantaka wajisi buyo kanongo kasyoonto kameenda.

Aboobo, wakaunka kung'anda ya simukobonyina ikulomba nongo mpati. Simukobonyina wakazumina kumugwasya nongo yakwe impati loko akuti, "Ipenzi lyako ndipenzi lyangu"

Nikwainda mazuba masyoonto, Byantaka waunka kumubumbi akuula kanongo kasyoonto. Wakatola kung'anda. Wabika kanongo kasyoonto mukati kanongo mpati njakalombede kuzwa kuli simukobonyina.

Amane, wakatuka nongo mpati, kaijisi akanongo kasyoonto mukati. Wakatola nongo mpati kuli simukobo nyina waka mugwasya.

Byantaka wakati, "Ndajosya nongo yako, yakazyala." Simukobonyina wakagambwa kuti nongo yakwe yakazyala nongo imbi. Wakalumbaizya Byantaka akuti, "Munzi wako ulilelekedwe."

Muciindi, Byantaka wakajoka kuli simukobonyina kuya kulomba inongo alimwi. Ino takajisi muzeezo mubotu pe.

Mukamwini inongo wakalindilila cakukomana kuti Byantaka ajosye nongo yakwe. Kumamanino waunka kung'anda ya Byantaka akuti, "Ndalonda nongo yangu."

Byantaka wakaambila simukobonyina ikuti, "Omweenzuma, nongo yako yakafwa. Ndalimunzila kuzyo kwaambila makani amause."

Simukobonyina waakamba manza akwe mukugambwa. Ibushyu bwakwe bwakazimba kubukali. Wakakwilila Byantaka akuti, "Sena umvwide kuti inongo ilafwa!"

Byantaka wakaingula, "Omweenzuma kozumina zyintu ezyi. Kufwumbwa cizyala cileelede kufwa. Ambeyo ndakausa kulufu lwa nongo mpati."

Simukobonyina wakanyema kapati akuunka kunkuta kuyo ambilizya Byantaka. Mubetesi wakatelele bupanduluzi bwabantu aba bobile. Wakajana kuti mukamwini nongo wakalubizya akukosola kuti Byantaka abe ngo muyobozi wanongo ifwide.

"Byantaka naka kwaambila kuti inono zya zyala, wakazumina. Ino nakaamba kuti kufwumbwa cipona cizyala cilelede kufwa, uli luleme." Obu mbwa kakosola makani mubetesi.

Simukobonyina wa Byantaka waunka ku munzi wakwe kaenda mbuli nkumba. Byantaka wakatola nongo mpati mubucenjezyu bwakwe.