Bushiku bumo kumumana, Mbwa asangile amaani mumucanga. Elyo ayipwishe, "Ni namanshi yashiile amaani aya pano?"

Apendele amaani ikumi. Aamwene kwati ya Cibata.Efyo ayabiikile mu coola.

Aayatwele kung'anda ayabiika na muncende yakaba.

Ilyo Mbwa abwelele kumumana, akumenye Ng'wena.
Ng'wena aipwishe ati, "Bushe naumonapo amaani yandi?"
Mbwa ayaswike ati, "Nshishibe icili conse pamaani yoobe."

Ukufumaapo, Ng'wena aatandaliile inama shonse ukwipusha pamaani yakwe.

Uku ninshi amaani yaleetoota limo na limo.

Mbwa aleesakamana bwino utwana twa Ng'wena.Leelo ifyakulya tafyaleekumanina. Utwana twa ng'wena twaleebafye neensala lyonse.

Ubushiku bumo Ng'wena aaile kung'anda yakwa Mbwa mukufwaya amaani yakwe. Ilyo aali panse aumfwile amala ya twana twang'wena yaleebulukuta kunsala.

Elyo Ng'wena aaingile nookuuma Mbwa noomucila wakwe. Efyo Mbwa aapundile, aatoloka nokupulila pawindo.

Ng'wena aapepeeke Mbwa inshila yonse mpaka kumumana.

Elyo Mbwa aalilile, "Unjeleeleko, nshaishiibe ukuti maani yoobe!"

Ng'wena efyo aacetekele Mbwa nookumweleela. Ng'wena atwele abaana bakwe mukubasambilisha ukoowa.