Lomanǝŋ pǝnde ram, Ŋwëlia ŋafo ŋafo ŋǝnǝŋ ŋǝbwaña đǝsa kañ.

Na Ođǝɽal gafo gafo gǝnǝŋ com.

Ŋwëlia na Ođǝɽal lafo laɽo đapa.

Ŋwëlia nǝŋëiṯi Ođǝɽal ṯa, "Elaŋ alǝɽe alǝpwaña lai."

Ŋwëlia nǝŋobǝđe kañ.

Na Odǝɽal nǝŋǝmame iđǝrṯu gǝlaldǝña aten aten.

Gënŋu gafo gëđinia alo kañ.

Na lënŋulu ldǝṯǝbǝđe đǝbarldano đerṯo ŋawano.

Na ŋawa nǝŋǝleṯe nano.

Orn ldǝfiđi rëbǝni rǝlai.

Na Ŋwëlia nǝŋobǝđaṯe rëbǝni nano

Ŋwëlia nǝŋëiṯi Ođǝɽal ṯa, "Aboṯo iguɽi ŋapǝɽa lai."

Ođǝɽal nǝŋarrǝboṯwe aten aten.

Na Ŋwëlia nǝŋǝciṯano kañ.

Na Ŋwëilia nǝŋǝrñaṯe Ođǝɽal.

Ođǝɽal nǝŋǝbǝrđe elai.

Na lai ldaborṯwe eđǝber.

Ođǝɽal nǝŋiɽi.

Na rëbǝni ndrirti ndrǝmaffe ldëɽua.

Ŋwëlia ṯaŋǝmunu lai.

Lai ldǝse Ŋwëlia.

Ŋwëlia nǝŋobǝđe.

Lai ṯalëldǝñu Ŋwëilia.

Ŋwëlia nǝŋaffe eŋau eđǝbarlda.

Na lai lderṯe lǝŋgiṯia Ŋwëilia.

Ođǝɽal nǝŋǝme ëɽi ṯa aŋǝyopǝṯe etam gǝlëɽǝŋu.

Na Ođǝɽal nǝŋeṯe egeɽa gǝlëɽǝŋu.

Ñǝnḏǝŋia nǝŋiđiṯi alo yuma Ŋwëlia nano.

Ñǝnḏǝŋia nǝŋiđiṯi alo yuma Ŋwëlia nano.

Ođǝɽal na Ŋwëlia ldǝkere đappa eđen đǝge bǝɽǝbǝte.