Mandela manTutu lu ahuraior mba ve soo ayol ave kpishi yô. Hanmô shie yô ve yevese nongo.
Yange igen yô, Tutu kaa er, "Doo u se yevese se ningir Tar Afrika. Doo u se lôhô ior cii Mzough u Tar Afrika." "Kwagh la doo, se gba min," Mandela lumun.
Ve tôô tuta u ikyagh usu. Ve hii ayem ne shin tyôtar, shin Cape Town.
Ve mough shin Tyô-Tar Afrika ve kôr vegher u imbusu-tar-iyan sha kpe u tyeku. Ve nyôr Namibia, Angola,Kongo man Kyamarun. Ve mem sha Abuja.
Mbaayemev mba ken Imbusu-Tar-Iyan kohol ve hen Najeriya. Ve gba sha kpe u Ifi u Naija ve nyôr ken atô.
Mba nyer ken tar u Mali yô, ihundu kpeman je ve kera fatyô a ayem ga. Kpa Mandela taver ve ishima ve due gbang gbang.
Mba nyer ken kpe-mnger u Gyini hen Kônakri yô ve eregh ihundu iyol. Heela man ve ver ishigh sha Moroko, ve kar ken Senegal man Mauriteniya.
Mba nyer sha Kasablanka yô, ve nyôr inumbe vea agumaior agen sha waarawa u sha kpe mnger.
Ve yevese ve nyôr Aljyeriya man Libiya ve nyôr Tar-Igipiti. Ve nenge a iwar i ufarou. Ve ndôôr ve sen shin Imbusu-tar-imese. Ve gba sha kpe u Ifi u Nil ve nyôr Yuganda.
Ve yevese ken utaaikyôngu, desereti man akô a tseghan. Ior mbagenev kpishi dondo ve shin Kampala. Ve ver ishigh ken Kenya.
Mba aren hen Mombasa yô ve haa sha kpe-mnger ve ya akeve, chinkafa man ishu. Tutu kaa er, "Se za nen a tuta u mzough ne sha Uwo u Kilimanjaro."
Mba ker gbenda u yemen Tanzaniya yô, Tutu vôr. A gba sha gbenda. Mayevese cii tile wase un.
Tutu gema tuta na Mandela. A kaa er, "Nôngo ngegher tim nen tuta ne sha Uwo u Kilimanjaro. Tsar nen usu u Mzough u Tar Afrika."
Ikpilaior ger ikuu a iember, "Ne hemba ve!" Mba tsaren usu sha Uwo u Kilimanjaro yô, ve dôsugh ve gba hiden shi Tyô-Tar Afrika.
Ve mem hen Ber u Malawi. Mandela kaa a Tutu er, "Se yevese hii shin tyô-tar se za ar sha tyough-ki-taregh shi se hide. Ayem ne dzulum u kuusu."
Mzough u mbayevese tôô tuta ne za nyôr a min shi Zege Zimbabwe. Ikpilaior kohol hen zege jiir ne. "Ka beer ayem ga!" Tutu wuese a ahan dzwa.