Oyu niye Umukoosi Wasame.
Oyu niye Umukoosi Wakurwe.
Umukoosi Wakurwe ni Umukoosi Wasame baaba basaale. Shifukhu shitweela, baatsya khukyeendakakho boombi.
Bakyeenda boola khu ndulo khwe luluutsi, baarakikha khuukhaabisana.
"Iwe s'unyala khuruuka luluutsi luno ta!" "Iseese inyala! Iwe niye ukhanyala ta."
Umukoosi Wasame waaloma ari, "Iwe ruuka"! Umukoosi Wakurwe weelamo ari, "Taawe, iwe nyoowa uruuke." Aryo Umukoosi Wasame waapuruurukha waambukha luluutsi.
Lwanyuma Umukoosi Wakurwe naye waaruuka waakwa mu meetsi. Waarakikha khukhwisiikha aasi lwekhuuba kumurwe kweewe kwaba kumuboofu naabi.
Umukoosi Wasame waatsekha ari, "Hee heeeeeee"! Ne khuutsekha khuno aatsekha naabi shaakila kumunwa kweewe kwaaranikhamo khabili khukhwaama khu lubeka lutweela khukhwoola khu luundi!