Kyai kiwiyoo kivyu kya wathanthatu mwei wa ikumi na ili. Kila umwe ai muthatu. "Bontle na Mpho na Leroto, umalai muthauke" Mme atutavya. "Ndi kumwenda vakuvi nakwa."

Twaumaaluka tusembete. "Tuthii usini" Loreto atutavya. "Vau ni vathithangu." "Indi Mme atwia twikativie usini" Bontle atutavya " Tuyitivia" Leroto asungia. "Tuthauke munyini vakuvi na kiwu."

Ateo ithau ya 'libeke' ni ivyu ona ethiwa wi ungu wa miti vakuvi na usi. Mbee twaumya syaatu. Indi twai o avyu. Twaumya sati na sikati. Indi twai o avayu.

Twekia maau usini mathithe. Na twombangana kiwu. Mituki twamena kiwu.

"Inywi nenyu! Tutiviei" Asya Mpho. "Mme ndakamanya" Twativia na twativia nginya twolwa ni ivinda.

Sua yambiia kuthua na twambiia kwiwa mbevo ngua situ syaiva?

Twamantha ungu wa miti. Twamantha kithekani Twamantha kila vandu.

Ateo vai ngombe syai vakuvi na usi sikuya nyeki syai muyo. Bontle asisya iulu! " Sisya ngombe iya! Yumite kyau? "Iya ilaa itune" Lerato asya."

"Ti ilaa itune" Mpho atulya wasya. "Ni sati yaku" Twasisya ngombe ingi yutanyuka kindu ki mbuluu. "Isu ni skati yakwa" Bontle atulya wasya.

Twenukie na ngua sya nthini tutetema nikwithiwa kwai na uthithu. "Ni ngombe" Twasya, ngombe nisyosyaie ngua situ Mme niwatwikiiie? Mituki itimba situ syavyuva. Na ti undu wa isua.