Eira einho, yaliyo omwami nga bamweta Wankudu.

Wankudu yali mukozi era wa maani mu bulamu bwe bwonabwona.

Bwe yatuusa emyaka egy'okuwumula, yaafuna sente dha akasiimo buthothoba.

Yaasalagho okugula eitaka afuuke omulimi kungwa.

Amawulire gaasansaana mu kyalo nga Wankudu bw'ali kunonia eitaka lyo kugula.

Kaduuyu bwe yawulira amawuliro ago, yaaleeta ekidhuubo!

Yayangugha mangu yaja ye Wankudu yaamukoba, "Misita Wankudu, nsobola okukuyamba okukunoonekeza eitaka ly'okugula."

Ku lunaku lwene olwo, Kaduuyu yaatwaala Wankudu okulambula ekibandha.

Yamusonkeza ku kibandha ekinene, "Lino lyonalyona itaka lyange." Kaduuyu yaakoba Wankudu.

Wankudu yaalisiima.

Baalagaana ne mpiiya era yaamusasula.

Olunaku olwairaku, Wankudu yawuunha. Yaalalikaku abe mikagwa baaja ne emigholo ne embago okukola emirimo.

Baayenda kutegeka basobole okusimba.

Bwe baatuuka, baayagaana nga buli ghantu ghali maadhi! "Eitaka liri gha?"

Bakagwabe baamubuuza nga tibasobola na kusiba ku nseko dhaibwe.

Wankudu yaategeera nga baamutendera.

Nga Kaduuyu yamuguza mwalo, era ekiseera bwe kyatuuka ghonaghona ghafuuka nnhandha.

Tighali itaka lya kulimaku naire.

Wankudu yaaja yaaghaghaba yomulamuzi omukulu Wandhovu, eyali omulamuzi omukulu ku kyalo.

Wandhovu yaalagira Wampologoma aje aleete Kaduuyu mu kooti.

Kaduuyu bwe yawulira Wampologoma nga aidha yamukoba, "Nsangaire okukubonaku, aye ndi kuja kulumuka. Embwa edhomunsiko dhizinze ku kyalo kyaife!" Kaduuyu yaalumuka.

Wampologoma bwe yawulira okusama okwembwa nga dhifuluma buli luuyi, yatyabuka bwa misinde nga ali kughologoomerera.

Kaduuyu yaaghabira ghala ne esente dha Wankudu.

Aye Wankudu yali ne emikago mingi era bamunooneza eitaka elindi yaaligula.