Wansudhe ni Wangoinha baali bagonzania inho. Baazaanhanga babiri. Baaliiranga ghalala. Buli kintu baakikolanga batyo.
Lulala, Wangoinha yalwala katono afe. Bweyabona ng'obulwaire bukaaye, Wangoinha yaaja ewa Nabulezi eyamukoba "Bwoba to oyendha okuba obulungi oli na okulya emamba ya Wansudhe."
Kino kyanakughaza inho Wangoinha. Yali azira kindhi kyakukola okutoolaku okulya mukwanogwe.
Wansudhe bweyaja okumubona, Wagoinha yamubeeka ku mugongo yaamutwala mu mwiga mu maadhi amangi.
Wangoinha yaamukoba, "Nabulezi yaankobye ati bwemba waakuwona ndi na okukulya."
Wansudhe yaamukoba,"Mbe, mukwanogwange, otandya. Ndi katono inho. Mpaamu akadhakiika ndete dhaadha ghange. ye ansingaku obunene. Mulye oidha kwiguta."
"Dhaadhawo aligha?" Wangoinha yamubuuza. "Ali mumuti ogwo, ku kizinga kire." "Ja omuleete mmulye." Wangoinha yamukoba.
Wasudhe yatuuma ku mugongo gwa Wangoinha yaalumuka ku muti yaaba eyo. Wangoinha yateega yaateega. Wansudhe tiyaira era olwo lweyakoma okumubona.