Ono ye Mwami Nsowera.
Ono ye Mwami Bontwe.
Mw. Bontwe ne Mw. Nsowera baali ba mikwaano nnyo. Olumu bagenda okutambulako bombi.
Bweb'atuuka ku lubalama lw'omugga, ne batandika okukaayana bokka na bokka nti, "Tosobola kubuuka mugga guno!" "Nsobola! Yegwe atasobola!"
Mw. Nsowera n'amugamba nti, "Kale buuka!" Ko Mw. Bontwe nti, "Nedda, gw'oba osooka okubuuka." Awo Mw. Nsowera n'abuuka omugga.
Ye Mw. Bontwe bwe yabuuka yagwa bugwi mu mugga. Era, olw'obunene bw'omutwe gwe; yatandika okubira mu mugga.
Mw. Nsowera n'asekka nnyo nti, "Ha ha haaaaa!" Yasekka nnyo era okukakana nga omumwa gwe guyulis'emu bibiri okuva kuluda olumu paka ku lulala!