Eira eino, ghaligho abasulube babiri ababuulwaku ente dhaibwe. Banoonia ente edho okutuuka nga ebiseera bigiire.

Endhikiiza bwe yagema, babona ekitangaaze mu nnumba. Baikizagania okuja basabe ku owo kusuula.

Baaja ye nnhumba bakonkoona. Olwigi lwe igula bayingira.

Eiroboozi lwa yogera. "ndi nsekekere. Musandhukule ensuwa eyecuuma mufune emere. Musandhukure ensuwa empumbe munhwe ekye kunhwa ekitabule nga mulimu obuwunga bwa dhuuma nga mulimu ne engaano.

Agho ensekere yavaala oluwuutu lwayo era ya fuluuma.

Abasulube baalya, baanwa, era beebaza. Baamala bafuuluma endhu.

Bwebafuuluma endhu, bafuuna ekidhuubo ekibi. Baakoba, "be, tikyandhibairegho ife okulya emere eyensekere. "Olwamala baikirizigania okwirayo banhige ensekere.

Bairayo enhuma mu ndhu era basekembula ensekere. Ekyembi ensekere yafa, ate nendhu yabulagho! Bezuula nga bali mu lwangala.