Olulyo lwa Izinzawu lwali lusangaaluvu. Abaghala ababiri bayega okufumba n'okulima okuva ku inhaibwe. Abalenzi ababiri baaja ni iseibwe okuyiiga.

Eiguloigulo, baayogera ku bye baali bakoze olunaku olwo.

Iseibwe buliidho nga abalabula obuteeghereekerera mu kibira, yaakobera abaaghaka ku kitonde ekikanga ekyali mu kibira.
"Ekitonde kino kiri babiri ku ife nga otuyimbye aghalala!"

Lwali lulala, abaghala bano baali bali kuzaanhira ku mwiga. Amangu ago, okuva einhuma w'omuti, aghaali ekitonde ekikanga!
Ekitonde ky'ali n'amaiso abiri, amatu abiri, amakono abiri, n'amagulu abiri.

Nga bali kudhugumira olw'okutya, baalumuka baaja okukobera baanhina baibwe kye babwoine. Aye abaisuka tibabaikiririzaamu.
"Abaghala basiru!" Bwe baakoba.

Oluvainhuma, abaisuka baabuguutana. Baanonereza abaghala ku mwiga baje beebonere ku kitonde kino.

Baanoonia, baanonia aye kye basobola okubona kyali isubi ireei na miti. Amangu ago, baawulira kereere. Baalinga ghaigulu.

Ghaigulu ku muti ekitonde kyewuba kye baali tibabonangaku. Kyali n'emikono ebiri n'obwala bubiri, amagulu abiri n'ebigere bibiri mu kifo ky'ekirala oti niibo.

Abaana baatya baalumuka bairayo ghaka baayeta abazaire. Amangu ago, amaka gonagona agaali ku mwiga gaidha okubona ekitonde kino.

"Muta nkosa!" Ekitonde bwe ky'akoba, nga bwe kyekweka einhuma w'omuti. Baasobola kubonaku ekigere kirara, omugulu mulala, omukono mulala, olwala lulala n'eriiso irala.

"Ndi nga imwe,"ekitonde kyeyongerayo,"endhawulo yonka eri eti nakolwa kumpi na bintu bibiri ebya buli kintu."

Kale eno n'engeri amaka ga Izinzawu bwe gakizuula nti tikyali kitonde kibakanga. Kyali bwa kyandhawulo kubo.