Ghaaligho Akabuzi Akatono, n'Empala Entono.
Bafuuka ba mukenkede.
Baaja mu kizaanhiro okuzaanha.
B'airayo eka nga buzimeire inho.
Akabuzi Akatono k'akoba mama wako, "Ndhagaine mukagwa omulungi. Ndi musangaavu inho. Era idho tuja kwaganana."
Mama Wambuzi y'airamu, "O mwana wange. Ndi musangaavu okangalwike ng'oli miraala. Timukagwa gwaife. Otaaganana naye idho."
Mu kiseera n'ekirala, Wampala Omutono y'akoba mama we, "Ndhaganaine ni mukagwa wange omulungi. Ndi musanhufu. Tuja kwaganana idho."
Mama Wampala y'airamu, "O mutabane wange, nsaalilwa olw'obutalya Akabuzi Akatono. Ghe mwaganana olw'aidho, mwite omulye."
Ghe bwakya kunco, Wampala Omutono yaja ku kyalo ky'Akabuzi Akatono.
Akabuzi Akatono tikaali ku luya. Kaali kekwese ni mama wako.
Wampala Omutono y'aghoghoigana, "Tuje mu kizaanhiro tuzaanhe."
Akabuzi Akatono kaakoba, "Titukaali ba mukenkede. Mpuliriza mama wange. Abaana abalungi b'awuliriza ba mama baabwe."
Wampala Omutono yanakughala. Y'airayo ye mama we.