Waira ni mukazi ghe, Kawala, baaviranga kukyalo kyebeeta Isiri.

Waire Waira yali wa lubono, yali mulimi gha maanhi mukalamu.

Yajanga mu nhimiro buli lunaku. Embwa ye gyebayetanga "Nzira buzibu" yamunonerezanga buli lunaku.

Lwali lulala nga Waira ali mu nhimiro yatambulatambulamu mukatundu keyali tamaliriiza kulima.

Nga agemye embago ye ndala mungalo, Waira yaseka inho ati, "Ha, ha, ha, aa! Oba gagwa oba kaaka ntekwa okumala okudhuba enhimiro yange yeero."

Bweyali ali kudhuba, Kawala yaatuuka n'emere ye. Yali musagambu olwemirimo gya musaadha ghe.

Kawala yasalagho amuyambeku n'okumwembera kembo.

Akembo kaasikiriza Waaira okulima inho.

Yali nga ali kulima inho, bwasuula eitaka kuluuyi, ni kuluuyi. Tiyawuumula.

Waira yakoogha inho. Yaayendha okuwuumula.

Yatyama ku muyini ogwembago okuwuumula. Yaakoba kawala ati, "nga ndi niighe ghano, nsobola okulima naamalagho nga ghazira kiinemaisa."

Yaasonsoonhia katonda ati, "katonda ni bweika, ezira kighanga kunnemesa kumalagho."

Weene agho, Nzira buzibu yaidha nga ebinga akadhuuyu.

Waira yalekera agho yakubba akadhuuyu omuyini ogw'embago. Omuyini gwagwa ghansi gwamenhekamenheka butundu tundu.

Akamyu kaali kagolwaire. Embwa yaida nga etuuma tuuma bwe egheera gheera.

Waira ni kawala baayemerera nga tiboogera. Embwa yaakinia omukira nga ebetooloola.