Eira einho, ghaaliyo Wampiti omuluvu.
Ghaaliyo Wankudu.
Wampiti ni Wankudu baali ba mukwano.
Wampiti yakoba Wankudu, "Tunoonie omuzinga."
Wampiti yalumuka mangu inho.
Wankudu yaanonereza mpolampola. Yatya inho.
Baasala omwiga.
Boonaboona baabola.
Yaabona ebiyumba eky'endhuki.
Wampiti yaalumukira yebiri.
Wampiti yakoba Wankudu, "Niina ghaigulu otooleyo ekiyumba eky'endhuki."
Wankudu yaniina mpolampola.
Wampiti yali munhiivu. Yaakaabukira Wankudu.
Wankudu yagema ku kiyumba.
Endhuki dha zingaana mu ibbanga.
Wankudu yagwa. Ekiyumba kyamugwaku.
Wampiti yaanhuuna omuzinga.
Endhuki dhaluma Wampiti.
Yaalumuka era dha mubinga.
Wampiti yaalumukira mu mwiga.
Enduki dha sigala nga dhika mubinga.
Ebikambala n'omuzinga byakalira ku mugongo gwa Wankudu.
Wankudu yafuna ekikalampa okwekuuma.
Yairayo eka.
Obubembe obw'endhuki bwaleka amabalabala ku mubiri gwa Wampiti.
Wankudu ni Wampiti tibakaali ba mukwano.