Eira einho ku kyalo Nawampiti, yaliyo Wampiti eyamairu.

Kukyalo kwene okwo kwaliku enkudu eyensoni.

Wampiti ni Wankudu byali byamukwano inho.

Wampiti yawulira ati kuluuyi lule olw'omwiga gwe ebuvanduba, yaliyo endhuki edhikola omubisi oguwooma einho.

Yakoba Wankudu ati, "Tuteekwa okufuna omubisi ogwo."

Wampiti yagya kuntuuma yo mwiga eri ekintu kye ndhuki.

Wankudu yali atya okuja. Ate yali wa nsoni okuloba. Enkyo lyaku, baaja eyali emizinga gyenduki.

Baaniinaniina, baikirira, baasala omwiga gwe ebuvandhuba, aye nga bakaatambula.

Olumalirira, baabona emizinga kumiti egyali ku kasozi.

Wampiti yaalumuka naamaani mangi okutuuka w'emiti egyo.

Wampiti yaakoba Wankudu aniine omuti eghanule omuzinga gwenduki. Ayenga Wankudu akoye olwo lugendo.

Wankudu yaafuba inho mpolampola okuniina omuti.

Yaaghanula yo omuzinga era gwaagwa ku Wampiti.

Wankudu weyageme ku bikambala!

Endhuki dhaawuuma!

Dhaagwa noogukambala gwoona gwadhigwaku.

Endhuki dheebunga ku Wankudu. Wankudu yeebwikirira, yeekweka!

Yaatandiika okukomberera omuzinga nga endhuki dhimuliku.

Endhuki dhaaluma Wampiti dhamufuula wamabalabala.

Wampiti yaalumuka mangu ni mubikonko, asale omwiga nga mwerere.

Aye endhuki
dhaamwezungululaku yenayena
bwedhimuluma.

Wankudu yangirira mukikambala ekyalimu endhuki.

Niyebuli eno Wankudu alimu kikambala ekyavaamu endhuki edhaaluma Wampiti.

Amangu ago
Wankudu yakakasa takayenda Wampiti
kumughulugumira
munsiko.

Wampiti yafuna enkovu okuva ku ndhuki edhamuluma, era yaafuuka wamabalabala.

Eyo nengeri Wankudu bwe yafuna ekikakampulo, ni Wampiti amabalabala gaayo. Yaalayira obutairayo kwiba.

Era enkudu ne mpiti tidhikaali dha mukwano.