Eyeni itwaan daang atamar eyakar Etom ekume lokooyen.

Nakaneni, kolong angorot ayakar Etom ekume lourien talang'ir. Ekoni amukat alokiding ereet keng.

Touriae Itaok a etom kong'ina. Ayakan aking'iset a etieng'it kadaang.

Apei kwaar asaki ng'esi akiyen nakaalak kidiama Ekori, "Nyo iyakar iyong emosiring lokooyen?"

Asaki nge'si nabo akiyen kidiama Amosing. "Nyo eitanea amwaara kon?"

Kiriemun nabo ka Epir. "Nyo ereng'ieta ng'akonyen kon?"

Kiriemun nabo ka Akinyang king'iit tama. "Nyo kolong akimuj kon na imujeene iyong ebong?"

Nying'is aking'iset na ikori ng'ina. "Tolimok ituokeng kong'ina." Korotok ng'esi eng'oit.

Tolimok Ekuruk lokooson ng'esi tama, "Kiwapakinae ayong atanang'a nang'olol. Kaina ing'olikini iyong akimuj na imujiena Akinyang ebong."

Abu Itaok Etom kiwapak Ekuruk erot neni daang tani nang'olol.

Aotu keci topedo emoni tananga lokwaas ang'olol. Tokenyik ng'akipi. Aliwae ayei Akinyang?

Kimaala ataaba Itaok a Etom "Ejoka-a?" tatacak Itaok a Etom taama, "Ejok noi." Kingis Itaok a Etom ebala "Kori iyeni iyong akimuj na imujeene Akinyang ebong?"

Tolimok ataba itaok a Etom abala tokudokin katolimok, "Tokudokin noi." Tokudokin bocha itaok a Etom sodi.

Taapik ekume aitaok aitom diyete akituk Akinyang. Toruk "Ekuruk – kwaak! Kwaak! Itanyama Akinyang tarau kimuj e ka ebonong."

Towo Itaok a- Etom, kikutkutwo nabor iriunit ekume keng. Towounea Akinyang ekume keng.

Kiride Itaok Aitom ekume keng anakituk Akinyang. Tadakar "Puss-ss-ss!" Nalup a-akaku.

Naetelekare akimuj keng nakebong. Tolia-a Akinyang nakipi.

Kisermok Itaok A Etom ekume keng. Nianyung'ara ng'esi ni esalunutor!

Tooyar noi ekume keng, tebebeno ageor ng'esi alemun anaten anakoyak.

Tani akwaar nakariran ekume lokeng ng'esi eokunio ng'akipi kilataror.

Tani ng'irwa lu ng'esi eyakatar ng'itume ng'ikumes lukoyaak.