Wamaaya ni Wampologoma baali ba mukwano inho.

Wamaaya yali aliisa abaana be bulungi.

Abaana ba Wampologoma baali bazira byakulya bimala.

Wampologoma yalingirira obwana bwa Wamaaya yaaloghooza, "Nga bufaanana bulungi! Singa bwaali bwange."

Wamaaya bwe yali aziragho, Wampologoma yaatwala obaana be ewuwe.

Wamaaya yaja okwira, yaayagaana abaana ba Wampologoma ewuwe.

Yaalira, "Abaana bange bali gha?"

Wamaaya yaalumuka yaaja mu kasiisiira ka Wampologoma.

Yaabona abaana be nga bali ni Wampologoma.

Wampologoma yaaloba okugha Wamaaya abaana be.

Yaamukoba, "Buti bano bange. Iwe osobola okutwaala abo bawampologoma abato."

Kino kyanhiiza inho Wamaaya.

"Nnaakola ntya okutoolayo abaana bange?" Yeebuuza.

Aghoni yaalowooza, "Ndidhi eky'okukola. Ndidha kweta ba wansolo boonaboona mu lwekobaano."

Ba wansolo boonaboona baidha mu lwekobaano.

Wandhovu yaakoba Wamaaya ni Wampologoma boogere.

Ba wansolo abawula bungi baali batya okunenhya
Wampologoma.

Mu nkomerero, Wakadaada yaayemerera era yaakoba, "Abaana abafaanana ne ebinhonhi, ba Wamaaya. Abo abali n'emikira ba Wampologoma."

Wakadaada yeedimya mu nkompe ye.

Ba wansolo boonaboona baamukubira mu ngaalo.

Wampologoma omukazi yaanhiiga inho.

Yairayo ewuwe naabaana be, ba Wampologoma abato.