Eira inho, yaliyo Wakayima ni Wankembo abaali abo mukwano dhedheme.

Lwali lula, Wakayima yaakoba,"Tutambule muuku tuje tufuneku eky'okulya."
Wankembo yaikiriza aye ate kali katego ka kumugemerayo!

Bombiriri baaja mu musiri gwa duuma era baatandiika okulya.

Aye idhukira Wakayima omugezi yali atesiiza ni beene musiri, okugema Wankembo era bamulage bati yali musirusiru.

Wakayima omugezi yayasiikana ati, "Abaibi! Abaibi! Duuma wo awairewo!" Era iye yaatuumira ghangulu me yaamyansuka.

Mu bwangu inho, beene musiri baatuuka era baayaagaana Wankembo nga ali kugezaku yeena okumyansuka gh. Aye Wankembo olw'omukira omughanvu gwali tigumugana kulumuka.

Beene musiri baamubinga bwe bawowoigana bati, "Yemerera! Yemerera! Tukubwoine, niighe Wankembo."

Beene musiri baamugema era baamutandigira emiigo.

Wankembo bwe yali nga takaaghanga bulumi yakoba," Mbaire ni mukwano gwange Wakayima. Mwene naandeese."

Beene musiri bamutemaku omukira era baamukoba,"Ja okobere mukwano gwo oti tukutemyeku omukira.

Beene musiri baja mu maka ga Wakayima era bafumba omukira gwa Wankembo bagulire ekyomusana. Wakayima yayetaku Wankembo ku ky'omusana.

Bwe baali nga bamaze okulya, Wakayima yaabuuza Wankembo oba aidhi kye yali aliire.
Wankembo omusiru yairamu,"Busa, tiidhi!"

Wakayima yaamukobera ati, "oliire mukira gwo." Yaamusekerera. Okuva n'olwo Wakayima ni Wankembo baafuuka balabe na balabe.