Agho olwatuuka nga ghabaagho omuvubuka omusulube gwe baayetanga pontisibobo. Yali mwana muto ayenga yakuzibwa mu mpisa enkalamu paka mu bukulu kuba yali agha buli muntu gweyayagaananga ekitiibwa.

pontisibobo ono yali ni mukwanogwe gwe baayetanga mwami nviviiti eyalinga ezira gwagha kitiibwa nga mukwanogwe. Lwali lulala ab'emikwano bano ababiri baatambulamu, ekiroghoozo kyaidhira mwami nviviiti kiti '' tuje tunweku ekintu ekitamiiza," mwami nviviiti akobye

pontisibobo ono yeewuunia "lwaki mwami nviviiti amukoba baje banhwe ebitamiiza naye?ate nga aidhi ati tabinhwa"

mwami nviviiti yavaaku obusambuka yaakoba pontisibobo ati "ghaaba tayaenda kunhwa ebyo ebitamiiza naye, tasobola kuba mukwanogwe". kino yakyogera era mangumangu ago yaabulagho.

pontisibobo olwabona atyo, yeena yeegololera waka.weyatuuka, yatyama ghansi w'omuti yainhama okulira olwa mukwanogwe Nviviiti okumuvaaku.

Wamuti ya mubuuza lwaki "lwaki oli kulira?"pontisibobo yabona ekimyanso.Tiyavookwo yaawulira omuti nga gwogera kyeyali tawulirangaku mu bulamubwe.Agho gheene agho yaakobera omuti ebimugemaku ni mukwanogwe Nviviiti.

Wamuti yabuuza pontisibobo kiki kyene kyene kyanuwirira. Mwna mulenzi ono yasooka yawulirisa me oluvainhuma yaafuna eky'okwiramu ati ayenda nhumba kuba yali akuze okuba n'amakaage okubayiza n'okuzaala baana baine.

Wamuti yaloghooza okumala akabanga ki kyenekyene ky'anaakolera pontisibobo. "Twala amakoola gange, ensaga oje ozimbise enhumbayo" wamuti yakoba. pontisibobo yeena yaja mu maiso nga bweyakobebwa yaazmba akasiisira akatontono ayenga kakalamu inho, yabayiza omuguna yazaala n'abaana yaaba musanhufu eby'enswiso.

Wamuti tigwali musanhufu kuba pontisibobo yamwerabira era kya mubisa bubi inho."Nnenda ow'omukwano" oba tineekyo nda kufa. Wamuti bwe gwakoba era akaseera keene ako pontisibobo keyatuukiramu yawulira nga omuti nga gwogera.Gheene agho yabona nga omuti gulwaire olw'okubula ow'omukwano.

pontisibobo y yeena tiyali musanhufu ku luuyilwe kuba yali yeerabiire ebyo byonabyona mwami wamuti byeyali amuyambye mu kuzimba endhuuye ni mukaziwe n'abaana. yalira, yanwegera wamuti yaamusaba ekisonigho.

Wamuti weyabona nga mukwanogwe pontisibobo aize yaaku akamwenumwenu era yakuza ensaga edhindi n'amakoola.

Abaana ba pontisibobo beeyagala baaniinanga ku nsaga edha wamuti, mukaziwe yafuna ekyenzenze mwe yawuumuliranga n'okughaya ku mboozi edhima nga bwe basekamu. okuva kw'olwo pontisibobo ni wamuti bafuuka baamukwano.