Ozombura ndakapita, pari omuatje omukazona wena Kalabushe.

Kalabushe wari omuhungire uatjinene. Nandarire kutja ina wemuraera kutja ahungire tjinene, Kalabushe kapuratene ko uri.

Tandaa ua Kalabushe akara munda uarwe uorosovate yo Kalabushe. Eyuva rimwe avere. Nu kari nomundu okumutjevera.

Mama ua Kalabushe uari noviungura ovingi navi. Yari ngurova tjinene tja andja ovikurya ku Kalabushe kutwara ku tandaa wee nguavere.

Mondjira, Kalabushe ahakaene puna Sinson.

Sinson wari ombandje ndjatjutuka mo mundu.

Sinson apura Kalabushe, "Ovikuaje mbiuatjindi?" Kalabushe aziri, "Mbi nonyama, omaii nomaihi."

Mama ua Kalabushe uemutjaerere po kutja ahungire ovina mbyatora.

Kalabushe wina atja, "Metuara ovikurya ku tandaa wandje nguavere."

Sinson arasa omina vye vyotjinyo tje tjimeripura nonyama Kalabushe ndjatjindi.

Sinson atupuka kamanga kumurungu ya Kalabushe konganda jatandaa ua Kalabushe.

Anina tandaa uaKalabushe kuzambo erikutjire no virare vye.

Kalabushe tjavaza, ondjiuo yamwina tjinene. Ahiti moukoto nu aisana, "Tandaa, uripi?"

Kalabushe kazuvire eraka ratandaa wee.

Ahiti metuuo rokokuara tandaa wee merara. Auruma tjamunu omundu kueri kutjire motjirare otjinene.

Kalabushe apura, "Tandaa, onguaye omatuui woye tjeri omanene ndino?"

Sinson kehi yovirare aziri, "Kutja mbikuzuve nawa."

Kalabushe apura rukuao, "Tandaa, onguaje omeho woye tjarire omanene ndinondi?"

Sinson aziri, "Kutja mbikumune nawa."

Kalabushe apura otjikando tjarwe, "Tandaa, onguaje otjinyo tjoye tjitjarire otjinene ndinondi?"

Sinson aziri, "Kutja mbikurye!" Atuka kuzira kombende nu anina Kalabushe.

Kalabushe ahungire uri nadarire kutja urimezumo ra Sinson. Apura omapuriro omengi.

Komandero, Sinson uakaerua nomapuriro omengi uaKalabushe ngandu amukungu.

Kalabushe na tandaa wee vaya mwa kovandu varwe morosovate.

Kuza keyuva ndo, Kalabushe kahungire tjinene kuna omundu ngehina kutjiua.