Shikondobolo naMbalangadja ovali ookaume vopofingo. Ashike ovali ve hole oku fiyafana po.

Efiku limwe ova tokola oku dana etanga opo va mone kutya olye enyakwa.

Ova ya nee kokapale ketanga, tava hovele oku dana.

Shikondobolo okwali ena onhapo, ashike ke dule Mbalangadja. Shikondobolo oha lyata etanga tali i kokule, ashike laMbalangadja ola koya po. Shikondobolo okwa hovela oku handuka, eshi ta fyaala po.

Ova tokola nee oku lyata eepelendi. Tete Mbalangadja oye ngoo a ya mokoola.

Shikondobolo okwa tula mo ashike okoola imwe. Lo olaninga olufo laye lokuya mokoola.

Mbalangadja etanga okwe li lyata! Okoola! Ye okwa findala, natango okooola. Te li denge nomutwe, natango okwa tula mo. Mbalangadja okwa tula mo eekoola di li nhano!

Shikondobolo okwa handuka nee eshi a dengwa.

Mbalangadja okwa hovela oku yola, shaashi kuye okwa li shi yolifa nayi eshi Shikondobolo a handuka.

Shikondobolo okwa handuka nee vali unene ye ota pona po Mbalangadja nokuli osho.

Fimbo ngoo Shikondobolo e li mondjila a uka keumbo, okwa shakena naina yaMbalandadja. "Ino mona po okaana kange opo?"

Ina yaMbalangadja osho a pula. Shikondobolo okwa twikila ashike nolweendo laye, ina nyamukula sha. Ina yaMbalangadja okwali a limbililwa.

Ina yaMbalangandja opo ngoo e li po, oku udite okawi ta ka ifana "Mee! Meme!" A li nee ku kevauka ke wete apa ta ka di. Mboli ota ka di moshikutunino shaShikondobolo.

Ina yaMbalangadja okwa lombwela omona "Ninga ngaashi nde ku longa!"

Omambalangadja ohaa dulu oku li ninga a kale taanyika nayi oo omalula. Shikondobolo okwa hovela ashike ta mbilingwa.

Ta tu oshive. Ta kala opo tapona omate, ye ta fiyaafiya. Ta tu eenghisha ye ta kolola. Mbalangadja omulula ye omunyika!

Shikondobolo okwa kala noku kolola fiyo a kolola mo Mbalangadja.

Ina yaMbalangadja okwa kufa po okamona ndele ta va ka hondama komuti.

Poo opo nee pa dja eexuxwa nomambalangadja vehe li hole vali opo.