Ondjuxwa na Ngongololo oyali ookuume, ihe oyali haya kondjithathana.

Esiku limwe oya tokola opoya dhane etanga lookopadhi opo yatale kutya ogunipo puyo omu dhani dhingi.

Oyayi ihe kokapale ketanga noya tameke okudhana.

Ondjuxwa oyali tai endelele ihe Ongongololo oyali tai endelele noonkondo. Ondjuxwa oya thangele kokule ihe Ongongololo oya thangele kokule unene. Ondjuxwa oya tameke okugeya.

Oya tokola yaye koopelenti. Tango Ongongololo oye ali omukwati. Ondjuxwa oya tulamo ashike okoola yimwe. Olufo okwali londjuxwa opo aga mene okoola ye.

Ongongololo oya thanga etanga etayi tulamo. Ongongololo oya dhana yukitha etanga no yatulamo natango. Ongongololo oya dhana etanga nomutse noya tulamo. Ongongololo oyatulamo ookola ntano.

Ondjuxwa oyali yageya omolwashoka I na sindana. Okwa dhengwa noonkondo shinyanyalitha.

Ongongololo oya ta meke okuyola molwashoka kuume ke okwali tafulu.

Ndjuxwa okwali ageya noonkondo. Nokwa ekama okanya kwapwako nokwa ponapo ongongololo.

Ndjuxwa mokushuna kegumbo, Okwa tsakaneke nameme gwaNgongololo. Meme gwaNgongololo Okwa pula, "Inomonapo oka mwandje mpoka?"

Ndjuxwa ina yamukulako kwaashoka. Meme gwaNgongololo okwali alimbililwa.

Meme gwaNgongololo okuuvu ewi eshona. "Meme kwathelandje!" ewi tali lili. Meme gwaNgongololo Okwa talatala koombinga adhihe ee tapwiikine nawa. Ewi olyazi mondjuxwa.

Meme gwaNgongololo tiigidha pombanda, "Longitha oonkondo dhoye mumwandje."

Ongongololo oyina ezimba ewinai no mulyo omwiinai noonkondo. Ondjuxwa oya tameke okweehama.

Ondjuxwa oyatsu oshiwe. Taipona ndele tayi hiya. Etayi teshima ndele natango eta yikolola, ongongololo oina omulyo omwiinai.

Ondjuxwa oyakolola sigo tai kololako Ongongololo. Meme gwaNgongololo opamwe nomwana oyi kokelele komuti opo yaholame.

Okuza tuu esiku ndjoka, Oondjuxwa adhihe noOngongololo adhihe oyakala aatondathani.