Asnath Mahapa undizela etulu
Sara Lekganyane
Khanyisa Masemola
Siswati
Longer paragraphs

——


Lebo unenkhulumoluhlolo naKaputeni Asnath Mahapa yamagazini wesikolwa sakhe.
-
Ulangatelela kuhlangana nemshayeli wetindiza wekucala lomsikati longumuntfu lomnyama waseNingizimu Afrika.
-
“Sawubona, Kaputeni Mahapa!
-
Siyakwemukela kunkhulumoluhlolo yetfu,” kusho Lebo.
-
“Yebo, nami ngiyabonga. Ngicela ungibite ngekutsi Asnath,” kusho Asnath.
1
“Ngicela ungicocele ngesikhatsi usakhula,” kusho Lebo.
-
Asnath uyaphendvula, “Ngatalwa nga-1979, esiFundzeni saseLimpopo eNingizimu Afrika.
-
Endzaweni lengakhulela kuyo bekute timpompi temanti futsi kute nagesi. Nasitadisha besikhanyisa emakhandlela.”
2
“Wacala nini kutsandza tindiza nekutishayela?” kubuta Lebo.
-
“Nangineminyaka le-13, ngacala kutsandza tindiza.
-
Esikolweni lebengifundza kuso, ngacala kufundza tincwadzi letikhuluma ngekushayela tindiza.
-
Konkhe-ke kwacala lapho,” kukhumbula Asnath.
3
“Manje lwakhula njani lutsandvo lwakho lwekushayela tindiza?” kubuta Lebo, abhala emaphuzu.
-
“Bengivame kutibuta kutsi tindiza letinkhulu kangaka, tihlala njani emoyeni tingawi!
-
Bengifuna kwati lokunyenti ngekutsi tindizamshini tindiza njani,” kuphendvula Asnath.
4
Umbuto waLebo lolandzelako utsi, “Kufanele sifundze tiphi tifundvo nangabe sifuna kushayela tindiza?”
-
Asnath uchaza kutsi Tibalo neSayensi tifundvo letimcoka.
-
“Kudzingeka ucitse nema-awa lamanyenti ulolongwa emoyeni ngembikwekutsi utfole ilayisensi yekushayela tindiza,” engeta.
5
Lebo wabuta imibuto leyengetiwe ngekufundzela kuba ngumshayeli wetindiza.
-
Asnath waphendvula, “Kute ube ngumshayeli wetindiza, kufanele ube nelikhono letinombolo nelekubala.
-
Kufundzela buNjiniyela kukufundzisa kutsi tindiza tisebenta kanjani. Kute ufundze buNjinyela kufanele wati iSayensi neTibalo.”
6
“Usasikhumbula yini sikhatsi lowagibela ngaso indiza kwekucala? Mine ngiyakwesaba kugibela indiza!” kusho Lebo.
-
Asnath uyaphendvula, “Hheyi! Ngaphatfwa siyeti lesikhulu. Kepha angizange ngiyekele.
-
Nyalo, sengindiza ngiye emaveni lamanyenti lehlukene, futsi ngifundza ngemasiko lehlukene.
7
“Kufanele kutsi kumnandzi!” kusho Lebo. “Ngicela ungitjele lokwengetiwe ngekutsi tindiza njani tindizamshini?”
-
Asnath uyachaza, “Umoya loncamula etimphikweni tendiza ubangela kutsi kube nemandla lenta indiza iye etulu.
-
Kudvonseka lokwenteka enjinini kwenta indiza iye embili.”
8
“Kuvakala kumnandzi,” kusho Lebo. “Tikhona yini tinkinga lowahlangabetane nato ngesikhatsi ufundzela kushayela tindiza?”
-
“Yebo, tinyenti! Ngatjelwa kutsi ngimfishane kakhulu. Kutsi imiphumela yami yasesikolweni ayisimihle kahle.
-
Nekutsi kushayela tindiza akusiwo umsebenti webantfu labasikati.”
9
Lebo uyabuta, “Watincoba njani letinkinga?”
-
“Ngalwa kute kushintjwe umtsetfo lomayelana nebudze bebashayeli betindiza. Ngabuyela esikolweni sekufundzela kushayela tindiza futsi ngatfola emamaki lancono.
-
Bengifuna kubabonisa kutsi bantfu labasikati bangakhona kuwenta lomsebenti!” kuphendvula Asnath.
10
Lebo uvuma ngenhloko bese Asnath uyachubeka,
-
“Ngifundze kutsi nangabe ingcondvo yakho inakisisa ngeke wehluleke.
-
Ngifundze kungabalaleli bantfu labatsi ngeke ngiphumelele. Nekutsi bantfu labasikati bangakwenta konkhe lokwentiwa ngemadvodza.”
-
Lebo utsi, “Ucinisile!”
11
“Yini lotigcabha kakhulu ngayo?” kubuta Lebo. “Bengineminyaka lengemashumi lamabili kuphela ngesikhatsi ngiba ngumshayeli wetindiza wekucala lomsikati longumuntfu lomnyama waseNingizimu Afrika.
-
Ngaphindze ngaba yincenye yendiza yekucala lebeyicondziswa bantfu labasikati kuphela. Ngiyakutsandza kukhutsata emantfombatane kutsi afundze iSayensi.”
12
Lebo utsi, “Sikhatsi setfu sesiphelile. Kepha sitsandza kukubonga ngalenkhulumoluhlolo.
-
Usibonisile kutsi nangabe umuntfu akunaka lakwentako futsi asebenta ngekutimisela, angaya khashane!”
-
Asnath uyamoyisela bese uyaphendvula, “Ngiyabonga, Lebo. Kube lilungelo kucoca nawe!”
13

——Imibuto


  1. Bobani bantfu lababili labakulendzaba futsi bakhuluma ngani?
  2. Kungani Lebo enta lenkhulumoluhlolo?
  3. Yini leyenta Asnath wafuna kushayela tindiza?
  4. Dvweba indizamshini leshayelwa nguwe.
14

——Tincwadzi letikuloluchungechunge


  • Andile Mji
  • Asnath Mahapa
  • Bongani Mayosi
  • Charlotte Maxeke
  • Mmantsane Moche Diale
  • Mulalo Doyoyo
  • Tebello Nyokong
  • Tshilidzi Marwala
15

——


Lencwadzi yetindzaba icanjwe yaphindze yabhalwa ngeSepedi, njengencenye yephrojekthi yetintfo tekufundza te-Zenex Ulwazi Lwethu ya-2020.
16
Attribution CC BY
Your attribution should include the following:
Title: Asnath Mahapa undizela etulu
Author/s: Sara Lekganyane
Translator/s: Simangele Khoza
Illustrator/s: Khanyisa Masemola
Assurer/s: Mduduzi Benjie Shongwe
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator