Asnath Mahapa o fofela godimo
Sara Lekganyane
Khanyisa Masemola
Setswana
First paragraphs

——


Lebo o buisana le Mokapoteine Asnath Mahapa ka go kwala mo makasining wa sekolo. O itumeletse go kopana le mofofisi wa ntlha wa mosadi wa montsho.
-
“Dumela, Mokapoteine Mahapa! O amogetswe mo puisanong ya rona,” a rialo.
-
“Dumela, Lebo. Ke a leboga. Mpitse Asnath,” a rialo.
1
“Ke kopa o mpolelele ka dingwaga tsa gago tsa bongwana,” Lebo a rialo.
-
“Ke belegetswe kwa Limpopo ka 1979.
-
Go ne go se na metsi kgotsa motlakase. Re ne re ithuta ka lesedi la kerese,” Asnath a rialo.
2
“O simolotse leng go rata difofane le go fofa?” Lebo a botsa. “Ke simolotse go rata difofane fa ke le dingwaga tse 13.
-
Ka simolola go buisa dimakasine tsa bofofisi kwa sekolong.
-
Go simolotse jalo,” Asnath a gopola.
3
“Jaanong la gola jang lerato la gago la go fofa?” Lebo a botsa a kwala fa fatshe.
-
“Ke ne ke tlhola ke ipotsa gore difofane tse di kgolo di kgona go nna jang moweng!
-
Ke ne ke batla go itse go le gontsi gore difofane di fofa jang,” Asnath a araba.
4
“Ke dithuto dife tse o tshwanetseng go di ithutela go nna mofofisi?” Lebo a botsa.
-
Asnath a tlhalosa gore Dipalo le Saense ke dithuto tse di botlhokwa.
-
“Gape o tshwanetse go fofisa diura di le dintsi pele ga o ka bona lokwalo lwa bofofisi,” a araba.
5
Lebo a botsa thatathata ka go ithutela bofofisi.
-
“Bofofisi bo tlhoka kitso ya dipalo e ntsi.
-
Go ithutela Boenjinere go ruta go itse ka tsamaiso ya difofane. Boenjinere bo ikaegile ka Saense le Dipalo,” Asnath a araba.
6
“O ne o ikutlwa jang fa o simolola go fofa? Nna ke tshaba go fofa!” Lebo a rialo.
-
“Ijoo! Tlhogo ya me e ne e dikologa. Fela ke ile ka nna pelokgale.
-
Jaanong, ke fofela kwa dinageng tse dintsi mme ke ithuta ka ditso tse di farologaneng,” Asnath a araba.
7
“Seo se tshwanetse se bo se itumedisa! Lebo a rialo. “A o ka mpolelela go le gontsi ka ga difofane?”
-
“Mowa o o kgabaganyang go ralala diphuka o isa sefofane kwa godimo.
-
Kgorometso ya dienjene a se isa kwa pele,” Lebo a tlhalosa.
8
“Go a itumedisa,” Lebo a rialo. “A o ne o na le dikgoreletsi tsa go nna mofofisi?”
-
“Ee, mathata a mantsi! Go ne gotwe ke mokhutshwane. Le gore dithuto tsa me ga di maleba. Le gore bofofisi ga se tiro ya basadi.”
9
“O rarabolotse mathata ao jang?” Lebo a botsa.
-
“Ke ne ka lwantsha molao wa seemo sa kgolo. Ke ile ka boela sekolong sa bofofisi mme ka bona maduo a a kwa godimo.
-
Ke ne ke batla go bontsha gore basadi ba na le
-
bokgoni,” Asnath a araba.
10
Lebo a dumela mme Asnath a tswelela, “Ke ithutile gore fa o ikemiseditse o tlaa kgona.
-
Ke ne ke sa reetse ope yo o neng a nnyemisa mooko. Le gore basadi ba kgona fela jaaka banna.”
-
“Ke nnete!” Lebo a rialo.
11
“O motlotlo ka eng?” Lebo a botsa.
-
“Ke ne ke le dingwaga di le someamabedi fela fa ke ne ke nna mofofisi wa ntlha wa montsho wa mosadi mo Aforika Borwa.
-
Gape ke ne ke le karolo ya setlhopha sa basadi se e neng e le sa bafofisi. Ke rata go rotloetsa basetsana go ithutela Saense,”
12
“Ka maswabi re feletswe ke nako. Ke lebogela puisano.
-
O re bontshitse gore maikemisetso a go isa godimo!” Lebo a rialo.
-
“Ke a leboga Lebo. Ke itumeletse go bua le wena!” Asnath a rialo a nyenya.
13

——Dipotso


  1. Ke batho bafe ba babedi ba ba buisanang fa e bile ba bua ka eng?
  2. Goreng Lebo a dira puisano e?
  3. Ke eng se se dirileng gore Asnath a nne mofofisi?
14

——Dibuka tse di mo motseletseleng o


  • Andile Mji
  • Asnath Mahapa
  • Bongani Mayosi
  • Charlotte Maxeke
  • Mmantsane Moche Diale
  • Mulalo Doyoyo
  • Tebello Nyokong
  • Tshilidzi Marwala
15

——


Bukakanelo e, e tlhamilwe le go kwalwa ka puo ya Sepedi, jaaka karolo ya porojeke ya didirswa tsa go buisa ya Zenex Ulwazi Lwethu ya 2020.
16
Attribution CC BY
Your attribution should include the following:
Title: Asnath Mahapa o fofela godimo
Author/s: Sara Lekganyane
Translator/s: Lorato Trok
Illustrator/s: Khanyisa Masemola
Assurer/s: Dineo Moatshe, Opelo Thole
Language: Setswana

© Zenex Foundation - Saide 2024

CC BY includes the following elements:
 BY   – Credit must be given to the creator