Enyara eta, Udoo, Erdoo atí Eryum shèi púto ahete orihi ana zu. Éyani si ka ene nyeze inorihi. Dè si ka ene kanyi ogaazi ana sasi orihi ve. Onyi enini ka "èyé yé".

Enini e su une, ka kó onyi va vara ayì. Onyi enini o dor..Eryum o mor a ono ni ìyehé neè rè ogazi ana tuehe.

Onyi enini ò za do va zu tu ìyehé. Onyi enini sho onwe ani tueba dor Eryum ati ényarani ozù wù sor oni va ka.

"Ahi ozú da nyaw nini'. 'wé de si ìreyi epi akókó, waa bodo riyo ahi ona darnyawu" okaa nyínyí.

Ini na ayan ka ezi ve husi itopa, dor onyi ka, Ogaazi vi iréhu ivopa ana nyi ukata ahono. O yí íheneba anai ka uvo ozu kanyió. Ahi o da nyawunini, ènyí isi ogazi va zu metuo."

Dè èzi ro reyi oni onyi enini ka.

Erdoo ka "Onyami, pi itopa ogaazi yí, ". Aarihin onyai, pita zu yi, di Udoo ka. Emi guwa eta, Eryum si igègè eta zuwa

Dò onyi enini hiní orè nu ka jé mè re da"va yayi te nini onya awu a va pita!

Erdoo zwè na sho okaha vé, do si yor onyì enini dor si mo okute. Eryum doni si ubobo ve dor onyì enini o suo za resu.

Abèzi vana yatu sisisi èzí itopa ene vidi ra wù uperika. Udoo mé hu ohi, onyí enini nyima itopa ani.

"Anyí ùme oní ogaazi sí vi irehu ivopa. Irèhu vana té iní urukwu Mbadede. Aguvi ma irèhu onyx ukata oyi mé enwózi da sèrè.

Énwu awú óní ya, duu hú ini ènyi. Ogaazi vana navi ènyi ya abóza. Ogaazi ódé sireyí aza ódivi".

Àguvi ka irèhu vi enyi ivopa, isò hinè ozuweyi vana yi ini útú útó ènyi. Abóza ana kà ini ènyi vana rè hú ini iso hinè ani, ati ezwueyi inyémba.

Isi ohiné in enyi vana ovivi, aachere roromi, odozeiri, ure, uvuru ati aaghere.

Ekuhi onya, inya odivi oni irehan vi Mbom hù ré ekura ósa ve. Ómé tu uti irèhu dor tu osè riété ana shèyi pi irehu. Inya mé tu ézo, osè riété oyé oza onovi, osè riété va ana nyi enwu iriéyi.

Ose riété dor tan uvo nwuni uruku, dor ka yi inya ka o shèyi pi irèhu. Mbom twùohi à ni ini ènyi'.

"Inya mé kè ènyi hu enwani se niyan. Dó kanèyi ka ényi oza ènè ré oni.

Mbom ósé ireta nè'e nwuni irèhu, di irèhu múnen'. Ayani mè hiné, dó shó óchi rè nèe nwuni irèhu, di irèhu ré ka neba múni ochi.

"Mbom vaná ji nwuni ènyi! Ini ayani kaa óni va nyi ukata oyi ra éhé abumé. ome jii, di irèhu kura tweba na nwuni ihínèba, oma vana vavi Mbadede. Ihi ènyi, ógaazi sa si orihi vé, dó ya irèhu àvóó.

Onyi enini ka "izo itopa àmi ta tu".

Onyi enini húwa usè ka "èzi ami, sé me du si irèyi itopa ónóni? "Úka ka ma pita ani umé turí umé".

Udoo o nyinyi ka "me si iréreyi itopa aguvi ka ómé ka ma su utóo pi ayami".

Erdoo ka "itopa ómé ka ma tama ayi aachere ogazi".

Eryum o hini orènu ka "itopa otamami ayi isi ohine oni ezi èweyi ri"! ma zu ri iso ohinè boroyani"?

Dó onyi enini ka "mmmm, été ohunene boroyan, na avo tu uhwo, di ihi osa di ma pita ogaazi anavo".