Biantaka yali ne ing'ombe.
Khandi yali nende akhayungu akhatiti khamatsi.
Yatsia womumenyanwa we okhusaba inyungu ikhongo.
Biantaka yara akhayungu, munyungu ikhongo ilia.
Yachinga tsinyungu tsilia tsiosi nailila omumenyanwa we.
Biantaka yamubolera omumenyanwa we, "Inyungu yiyo yebula."
Biantaka yakalukha womumenyanwa we, okhusaba inyungu khandi.
Shiyaikalusiayo tawe.
Omumenyanwa we yalola mbu atsie amureebe.
Biantaka yamuboolera mbu, "Yafwa. Embele nindenya okhwitsa okhukhuboolera."
Omumenyanwa yakhupa obuyoka, "Eshili okhuhulira mbu inyungu ifwile!"
Biantaka yakalusia ari, "Buli eshindu shibulanga okhula shifwe."
Omumenyanwa yatsia mushiina okhusitaka Biantaka.
Omuyaali yaboola mbu, "Buli eshindu shibulanga okhuula shifwe."
Biantaka yanyoola inyungu ikhoongo.
Omumenyanwa we nakosia inyungu yiye.