Khaale, khwali nende eshimeme shieimbusi nende omwana wa Ingwe. Bali abetsa.
Inyanga ndala batsia okhubaya mushikuri.
Bakalukha ingo nibwirire.
Eshimeme shiabolera nyina, "Embukanane nende omwitsa omulayi. Ali nende amapalapala amalayi. Esangalire muno. Ndalaba ninaye mutsuli."
Nyina eshimeme yakalusia, "Esangalire okalushe omulamu. Oyo shinomwitsa wefu tawe, shindalakhufuchirira obe ninaye tawe."
Efise efio omwana we Ingwe nabolera nyina, "Embere nende omwitsa omulayi. Yachama okhubaya. Esangalire. Ndalaba ninaye mutsuli."
Nyina namukalusia, "Aah, mwanawanje! Esho neshimeme eshilayi. Okhubera shina nolamulia? Noba ninaye mutsuli, omwire omulie. Olaria tawe."
Inyanga yalondakho, omwana we Ingwe yatsia mushirechere shiabo eshimeme.
Shiyalola eshimeme tawe. Shiali shifisire munzu mwa nyinamwana.
Ingwe niilanga, "Khutsie mushikuri khubaye."
Eshimeme shiakalusia, "Shikhuli abetsa tawe. Shinditsa nyangaino tawe. Emuulire mama wanje. Omwana omulayi auliranga nyina."
Omwana we Ingwe yaberera nakalukha ewanyina.