Kadogo nende Juma nabetsa.

Bachama okhwirukha halala bulinyanga.

Nyanga ndala Juma yabola, "Khwirushe okhubera eshialo shiefu shihambane khutinyisie obulala bwabamali!"

"Nabwene, khutsie!" Kadogo yafuchirisania ninaye.

Bafuchirisania okhuchinga eshitseso shiobulala khuluchendo lwabwe.

Bachachira tsimbiro etsio elubeka wo Mwifubo mwitokho likhongo lia Cape Town.

Okhurula Afrika yo Mufubo balinga Emasaba okhubirira Mumbo mweshialo. Babirira Namibia, Angola, Congo nende Cameroon.

Bafuchirisania okhuulushira mwitkho lia Abuja.

Aberushi okhurula Afrika yo Mumbo balimana nabo mushialo shia Nigeria.

Batsira halala nibalondola Omwalo kwa Niger.

Olwa bola Mali, bafumbererwa nomuyeka omukhongo. Juma yabashira bosi amani.

Yehana okhubemirira mumulembe.

Lwabola khulukuku lweinyanza mwitokho lia Conakry, bali nibetsule olufu olunji. Nibatsia okhwirama munyanza.

Olunyuma balola mbu batsiririre nende tsimbiro tsiabwe okhutsia Morocco okhubirira Senegal nende Mauritania.

Mwitokho lia Casablanca, aberushi balimana nende ababukha bashiabwe okhubaya mwifubukho.

Inyuma, batsiririra nibalenjere Afrika yebukwe.

Berukha okhurula Algeria nende Libya nibaulushira Misri kho bachenderere tsipiramidi.

Olunyuma, bakalukhana Mufubo nibalondola omwalo kwa Nile nibalinjire Uganda.

Babirira mushialo shiomuyeshe omukhaya nende emitsuru chietsisolo tsialindwa. Ababukha bandi balimana ninabo mwitokho lia Kampala.

Okhurula Kampala, omukanda oko kwatsira khundulo we inyanza ya Kenya.

Olwabola mwitokho lia Mombasa, bekhala khulukuku nibalia omuchere kweinasi nende tsinyeni.

Juma nabola, "Chende khuyire eshitseso shiobulala khushikulu shia Kilimanjaro."

Kata kario Juma yali nachonyere. Shinga bali khunjira nibalenjere Tanzania, yakwa hasi.

Aberushi bashie bakhalaka tsimbiro tsiabu nibakalukha inyuma okhukhonya Juma.

Juma yakamira Kadogo eshitseso nabola, "Chinga eshitseso shino okhula khushikulu shia Kilimanjaro. Lola mbu ohafiye obulafu bwobulala bwa Afrika."

Abandu bekhoyera aberushi nibabola mbu, "Enywe nenywe tsitswoli tsiefu."

Nibamalire okhuwafya eshitseso shiobulala khushikulu shia Kilimanjaro, bakalukhasia tsimbiro nibalenjere Mufubo wa Afrika.

Olwa bola Malawi, nibatsia okhwerama Munyanza ya Malawi.

Kadogo yabolera Juma mbu, "Khwirushe okhurula Mufubo okhula Emasaba, Ebukwe okhurula Mumbo. Oluchendo lwefwe lulenjerere okhuwa."

Olunyuma, aberushi bobulala bashichinga eshitseso shiabu okhula mushialo shia Zimbabwe. Libuli lia abandu liakhung'ana okhwilolera likhuwa ero.

"Tsimbiro tsisangasiye muno!" Juma yabola nobusangafu.