Lishere nende Inzukha fiali abetsa.

"Itsa khutsie khuchendere mama wanje." Lishere liabolera Inzukha.

"Wina oulakhulindira amatala kefu?" Inzukha yareba Lishere.

"Ndalabalindira amatala kenyu." Lishene lieinia.

Lishere liatolera tsiswa muloloti okhuirira nyinamwana.

Lishere nende Inzukha fiarula mumabwibwi. Nifinjira mumutsuru.

Fiabukana nende efimuna. Inzukha niyifiria muno.

Lishere liashinjirira Inzukha omwitsa walio.

Olwa fiola wa nyinamwana Lishere, fiali nifiulira inzala.

Fiasaba nifikasiria okhulia efiakhulia.

"Inzukha, nochama ikhala shirunji." Lishere liabolore omwitsa walio.

Inzukha yatema okhwikhala shirunji obulanyala ta.

"Shenyala okhwikhala nga lishere tawe." Inzukha yalikalusia.

Lishere shiliairecheresia Inzukha tawe. Nilichaka okhusinyikha.

Inzukha niyisinyikha. "Shiumbuliranga tawe. Nakhaleshe engalushe ingo."

Inzukha yarula neliruma. "Lishere embaranga mbu oli omwitsa wanje."